Vrou getuig teen minderjarige susterskind in verkragtingsaak

’n Meisie wat twee Namibiese vroue daarvan beskuldig dat hulle haar vir seks verkoop het, en ’n Pakistanse burger dat hy haar by verskeie geleenthede in 2018 verkrag het, se tannie het Woensdag aan Erongo-streeklanddros Gaynor Poulton gesê haar niggie het gewilliglik teen vergoeding met mans seks gehad.Die tannie was die verdediging se laaste getuie in ’n saak waarin mnr. Farhan Khatri daarvan aangekla word dat hy die meisie – wat destyds 16 was – by sy huis by Walvisbaai verkrag het nadat sy medebeskuldigdes, mee. Jaezuruka “Beverly” Kamongua en Melody Ortner (tannie van die vermeende slagoffer), haar glo “gewerf” het vir seksuele uitbuiting deur Khatri.Khatri beweer hy het nooit vermoed die jong vrou in wie hy belanggestel het, is moontlik minderjarig nie, terwyl die twee vroue aanvoer hulle was glad nie betrokke by die werwing – óf die verkragting – van die minderjarige nie.Volgens die tannie se getuienis het haar susterskind soos ’n volwassene aangetrek, met hoëhakskoene en grimering, en sou sy saans uitgaan en eers die volgende oggend terugkom.“Dis hoe sy haarself voorgestel het – dit is hoe sy van kleins af aangetrek het. Nie soos ’n tiener nie,” het die tannie aan die hof gesê.Op adjunk-aanklaer-generaal Henry Muhongo se vraag oor hoe haar niggie met mans te werk gaan, het die tannie verklaar dat sy haarself prostitueer.“Sy is lief vir mans met geld. Sy sal by hulle slaap en daarvoor betaal word. Sy sou nie by mans wees wat nie geld het nie,” het die tannie geantwoord.NIE BLOTE ‘TIENERONSKULD’Muhongo het verskeie kere gevra hoekom hoëhakskoene en grimering ’n teken van volwassenheid is, aangesien vele meisies graag hoëhakskoene en grimering dra.Die tannie het saamgestem, maar het volgehou daar is ’n verskil – dat haar niggie se kleredrag en haar daaropvolgende optrede anders was as wat die gemiddelde tiener sou doen.’n Tiener mag dalk mooi aantrek en vir ’n tydjie saam met vriende uitgaan, maar haar niggie het só aangetrek om laat uit te bly en die volgende oggend terug te kom, het sy beweer.Trouens, volgens die vrou, sou haar niggie vir haar WhatsApp-foto’s (insluitend naakfoto’s) en boodskappe wys wat daarop dui dat sy “intiem” by volwasse mans betrokke was – en dat geld of ander betaling deel van die verhoudings sou behels.Hoewel landdros Poulton die getuie aangemoedig het om nie haar mening en haar eerste indrukke te laat oorvleuel nie, het die vrou volgehou dat haar niggie se kleredrag meer as tieneronskuld geïnsinueer het.“Wanneer sy sou optof en uitgaan en, sou sy met geld of inkopiesakke terugkom,” het die vrou aan die hof gesê ná haar bewerings dat haar niggie vir seks betaal is.“Ek sien en lees self die boodskappe. Sy werk nie, en tog kom sy huis toe met geld en inkopiesakke.”‘SOOS ’n VOLWASSENE’Wat die getuie nie kon antwoord nie, was of sy geweet het dat die kommunikasie wat sy op haar niggie se foon gesien het, in werklikheid nie van ander mans was nie – byvoorbeeld dalk van die drie betrokkenes wat haar glo vir seks uitgebuit het.Die ouer vrou het ook aangedui dat sy tydens van die saak se verrigtinge teenwoordig was.Op die vraag van die drie beskuldigdes se regsverteenwoordiger oor “hoe oud” haar niggie sou lyk toe sy opgetooi was, het die tannie geantwoord dat sy soos ’n vrou in haar 20’s gelyk het – “soos ’n volwassene”. Die verhouding het glo begin toe Kamongua ’n selfoonvideo vir Khatri gewys het van die jong klaer wat in ’n klub “fuif”. Hy wou haar ontmoet, en dit het uiteindelik gebeur met Kamongua en Muhongo ook teenwoordig. Hy het na bewering by sommige geleenthede seks met die slagoffer gehad.Hy was verlief op haar, het hy gesê, maar toe hy “nie vir haar kon gee wat sy wou hê nie”, is hy en die twee vroue in hegtenis geneem.Die saak is tot Mei uitgestel vir finale voorleggings voor uitspraak.Khatri bly in aanhouding, aangesien hy betrek word by ’n ander saak waarin hy en ’n Erongo-polisiebeampte daarvan beskuldig word dat hulle ’n staatsaanklaer omgekoop het om sy verkragting- en sekshandelsaak te “saboteer”.– republikein@republikein.com.na

Vrou getuig teen minderjarige susterskind in verkragtingsaak

Kommentaar

Republikein 2026-03-20

Meld asseblief aan om kommentaar te lewer

Vrou getuig teen minderjarige susterskind in verkragtingsaak

Kommentaar

Republikein 2026-03-20

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.