Verpleegstudent gedagvaar ná baba sterf

Die ma van ’n 16 maande oue baba beskuldig ’n eerstejaar-verpleegstudent daarvan dat sy die dood van haar baba veroorsaak het nadat sy haar na bewering in 2022 met die verkeerde medikasie by die Onandjokwe-staatshospitaal ingespuit het.Silvia Shiyova het gesê die student wat haar dogter, Albertina Shiyova, versorg het, was aan die hospitaal verbonde as deel van hul opleiding deur die Universiteit van Namibië (Unam) toe die voorval op 1 Augustus 2022 plaasgevind het.Volgens hofdokumente wat by die hoërhof in Windhoek ingedien is, het die student glo per ongeluk ’n dosis kaliumchloried (KCL) binneaars toegedien, in plaas van mondeliks soos voorgeskryf, terwyl sy sonder toesig in die pediatriese saal was.Navorsing toon wanneer KCL deur ’n aar toegedien word, dit met vloeistof gemeng en stadig onder streng mediese toesig toegedien moet word. KCL is ’n medikasie wat gebruik word om lae vlakke van kalium in die liggaam te behandel, wat belangrik is om die hart, spiere en senuweestelsel behoorlik te laat werk.In hierdie geval was die KCL bedoel om mondeliks toegedien te word, maar is dit direk in die baba se aar ingespuit, wat uiters gevaarlik kan wees.Die kind is opgeneem vir die behandeling vir ernstige ontwatering gekoppel aan gastro-enteritis en was glo in ’n stabiele toestand voor die voorval.Oomblikke ná die inspuiting het sy ’n hartstilstand gehad en is na die intensiewesorgeenheid oorgeplaas, waar sy in ’n koma gebly het en later komplikasies ontwikkel het wat tot haar dood op 17 September 2022 gelei het.Sylvia en haar tante, Hilja Indongo, dagvaar nou die regering, die ministerie van gesondheid en maatskaplike dienste en die personeel van die Onandjokwe-staatshospitaal vir N$400 000 vir mediese nalatigheid en emosionele lyding wat deur die voorval veroorsaak is.Ten tyde van publikasie het die gesondheidsministerie en die ander beskuldigde partye nog nie hul antwoordende beëdigde verklarings ingedien nie. Die saak het verlede week voor regter Boas Usiku in die hoërhof vir ’n saakbeplanningskonferensie gedien. Die eerste eiser, Silvia Shiyova, word deur prokureur Henry Shimutwikeni verteenwoordig.– rita@nmh-hub.com.na

Verpleegstudent gedagvaar ná baba sterf

Kommentaar

Republikein 2025-11-04

Meld asseblief aan om kommentaar te lewer

Verpleegstudent gedagvaar ná baba sterf

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.