Verhoor oor Reho-mesaanval hervat 2023

Die verhoor van ’n man wat daarvan beskuldig word dat hy sy meisie meer as 11 keer met ’n mes gesteek het, het verlede week in die hoërhof in Windhoek begin.Mnr. Johannes Tobias het ná die voorval op 21 Julie 2021, na bewering vir sy bure in Rehoboth Blok-E gesê hy het haar vermoor en vir hulle haar liggaam gewys. Hy het homself daarna aan die polisie oorgegee. Sy het op die toneel doodgebloei.Tobias staan tereg op een klag van moord saamgelees met die bepalings van die wet teen huishoudelike geweld. Hy het aan die beign van sy verhoor onskuldig gepleit en gesê dat hy haar nie vermoor het nie.Die saak is Donderdag tot 15 Mei uitgestel en is geskeduleer om tot 19 Mei te duur.MES GLO GEVINDEen van die polisiebeamptes wat betrokke was by Tobias se inhegtenisname het Donderdag getuig hy het vir Tobias deursoek en ’n mes in sy besit gevind.Hy het ook getuig dat hy bloedspatsels op Tobias se wit belt opgemerk het.Volgens Tobias se regsverteenwoordiger, mnr. Salomon Kanyemba, het Tobias vir hom gesê hy het nie ’n mes by hom óf bloed op hom gehad nie.Kanyemba het ook gesê Tobias beweer toe hy by die huis aangekom het, het hy gesien iemand het by die huis ingebreek. Hy beweer verder dat die polisie hom van die moord beskuldig het en hom daarna aangerand het. Hy voer ook aan dat die polisie hom nooit van sy regte ingelig het nie.Me. Ethel Ndlovu verteenwoordig die staat en die saak word deur regter Naomi Shivute aangehoor. – kristien@republikein.com.na

Verhoor oor Reho-mesaanval hervat 2023

Kommentaar

Republikein 2026-02-03

Meld asseblief aan om kommentaar te lewer

Verhoor oor Reho-mesaanval hervat 2023

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.