Van Wyk in die getuienisbank
Borgtogaansoek duur vandag voort
Die Fishrot-beskuldigde Nigel van Wyk kan glo rekenskap gee van al die geld wat hy van medebeskuldigdes en hul entiteite ontvang het.
“Ek het hard gewerk vir daardie geld.”
Só het Fishrot-beskuldigde Nigel van Wyk gister in die hoërhof in Windhoek tydens sy borgtogaansoek gesê ten opsigte van sowat N$1,9 miljoen wat die staat beweer hy deur die Fishrot-korrupsieskandaal gebaat het.
Hoewel die aansoek veronderstel was om gister voort te gaan met die getuienis van oudminister Bernard Esau, kon Esau nie die verrigtinge bywoon nie omdat hy weens sy mediese toestand in die Lady Pohamba hospitaal opgeneem is.
Van Wyk het gister die getuiebank ingeneem en ter ondersteuning van sy borgtogaansoek begin getuig.
Hy het getuig dat hy sedert November 2017 vir die maatskappy Ole Investments gewerk het wat deur sy medebeskuldigdes Sacky Shanghala en James Hatuikulipi besit is.
Tydens sy getuienis het Van Wyk beweer dat die N$1,9 miljoen wat die staat beweer hy deur die Fishrot-skandaal gebaat het, nie deel van korrupte aktiwiteite was nie.
Hy voer aan dat hy elke maand ’n salaris ontvang het wat gebaseer was op sy werknemerskontrak met die maatskappy. Tydens die verhoor het Van Wyk se regsverteenwoordiger, Mbanga Siyomuinji, hom deur sy bankstate geneem en Van Wyk het vir elke maand vanaf November 2017 tot Oktober 2019 aangedui watter bedrag sy salaris uitgemaak het.
Die maandelikse bedrag was tussen N$25 000 en N$30 000 en die totale bedrag beloop byna N$714 000.
Van Wyk het verder aangevoer dat hy bedrae geld ontvang het om te gebruik vir die maatskappy se uitgawes. Van Wyk en Siyomuinji het die res van die middag deur fakture gegaan wat in die naam van die maatskappy uitgemaak is , wat insluit verskeie inkopies en betaling van dienste wat glo ten opsigte van die maatskappy gedoen is.
Die betrokke fondse oor die tydperk beloop sowat N$513 000. Siyomuinji het die dag se verrigtinge afgesluit deur daarop te wys dat die geld wat Van Wyk ontvang het vir die gebruik van die maatskappy sowel as sy maandelikse salarisse, sowat N$1,2 miljoen beloop.
Die borgtogaansoek sal na verwagting vandag voortduur.
NUWE FEITE
Van Wyk se borgtogaansoek is op nege nuwe feite gebaseer. Een van die feite is dat die ondersoek nou afgehandel is en dat daar dus nie meer ’n vrees is dat Van Wyk by die ondersoek sal inmeng nie.
Van Wyk en Siyomuinji voer verder aan die Fishrot-verhoor sal baie lank duur en inbreuk maak op Van Wyk se reg tot ’n spoedige verhoor.
Hulle betoog verder dat die staat nie ’n sterk saak teen Van Wyk het nie en dat hy aan geen van die entiteite betrokke by die Fishrot-skandaal gekoppel kan word nie. Hulle beweer ook hy kan rekenskap gee van al die fondse wat hy ontvang het.
Die staat se gronde vir die teenstaan van die borgtogaansoek is gegrond op die vrees dat Van Wyk by staatsgetuies sal inmeng indien hy op borgtog vrygelaat word en dat hy soortgelyke oortredings sal pleeg.
Hulle beweer dat die staat ’n sterk saak teen Van Wyk het en dat dit ernstige klagte insluit, wat bydra tot die vrees dat Van Wyk sal ontvlug indien hy uit aanhouding vrygelaat word.
KLAGSTAAT
Volgens die klagstaat staan Van Wyk tereg op twee klagte van rampokkery, drie klagte van geldwassery, een klag van diefstal, ’n klag van regsverydeling, ’n klag van die aanranding of obstruksie van ’n beampte en een klag vir die besit van onwettige ammunisie.
– [email protected]
Só het Fishrot-beskuldigde Nigel van Wyk gister in die hoërhof in Windhoek tydens sy borgtogaansoek gesê ten opsigte van sowat N$1,9 miljoen wat die staat beweer hy deur die Fishrot-korrupsieskandaal gebaat het.
Hoewel die aansoek veronderstel was om gister voort te gaan met die getuienis van oudminister Bernard Esau, kon Esau nie die verrigtinge bywoon nie omdat hy weens sy mediese toestand in die Lady Pohamba hospitaal opgeneem is.
Van Wyk het gister die getuiebank ingeneem en ter ondersteuning van sy borgtogaansoek begin getuig.
Hy het getuig dat hy sedert November 2017 vir die maatskappy Ole Investments gewerk het wat deur sy medebeskuldigdes Sacky Shanghala en James Hatuikulipi besit is.
Tydens sy getuienis het Van Wyk beweer dat die N$1,9 miljoen wat die staat beweer hy deur die Fishrot-skandaal gebaat het, nie deel van korrupte aktiwiteite was nie.
Hy voer aan dat hy elke maand ’n salaris ontvang het wat gebaseer was op sy werknemerskontrak met die maatskappy. Tydens die verhoor het Van Wyk se regsverteenwoordiger, Mbanga Siyomuinji, hom deur sy bankstate geneem en Van Wyk het vir elke maand vanaf November 2017 tot Oktober 2019 aangedui watter bedrag sy salaris uitgemaak het.
Die maandelikse bedrag was tussen N$25 000 en N$30 000 en die totale bedrag beloop byna N$714 000.
Van Wyk het verder aangevoer dat hy bedrae geld ontvang het om te gebruik vir die maatskappy se uitgawes. Van Wyk en Siyomuinji het die res van die middag deur fakture gegaan wat in die naam van die maatskappy uitgemaak is , wat insluit verskeie inkopies en betaling van dienste wat glo ten opsigte van die maatskappy gedoen is.
Die betrokke fondse oor die tydperk beloop sowat N$513 000. Siyomuinji het die dag se verrigtinge afgesluit deur daarop te wys dat die geld wat Van Wyk ontvang het vir die gebruik van die maatskappy sowel as sy maandelikse salarisse, sowat N$1,2 miljoen beloop.
Die borgtogaansoek sal na verwagting vandag voortduur.
NUWE FEITE
Van Wyk se borgtogaansoek is op nege nuwe feite gebaseer. Een van die feite is dat die ondersoek nou afgehandel is en dat daar dus nie meer ’n vrees is dat Van Wyk by die ondersoek sal inmeng nie.
Van Wyk en Siyomuinji voer verder aan die Fishrot-verhoor sal baie lank duur en inbreuk maak op Van Wyk se reg tot ’n spoedige verhoor.
Hulle betoog verder dat die staat nie ’n sterk saak teen Van Wyk het nie en dat hy aan geen van die entiteite betrokke by die Fishrot-skandaal gekoppel kan word nie. Hulle beweer ook hy kan rekenskap gee van al die fondse wat hy ontvang het.
Die staat se gronde vir die teenstaan van die borgtogaansoek is gegrond op die vrees dat Van Wyk by staatsgetuies sal inmeng indien hy op borgtog vrygelaat word en dat hy soortgelyke oortredings sal pleeg.
Hulle beweer dat die staat ’n sterk saak teen Van Wyk het en dat dit ernstige klagte insluit, wat bydra tot die vrees dat Van Wyk sal ontvlug indien hy uit aanhouding vrygelaat word.
KLAGSTAAT
Volgens die klagstaat staan Van Wyk tereg op twee klagte van rampokkery, drie klagte van geldwassery, een klag van diefstal, ’n klag van regsverydeling, ’n klag van die aanranding of obstruksie van ’n beampte en een klag vir die besit van onwettige ammunisie.
– [email protected]
Kommentaar
Republikein
Geen kommentaar is op hierdie artikel gelaat nie