UPM-geskil nou in hof

Die afgedankte sekretaris-generaal van die United People’s Movement (UPM), Elizabeth Celeste Becker, het die president van dié party hof toe gesleep oor beweerde oortredings van die party se gedragskode.Becker beskuldig die UPM-president, Jan Johannes van Wyk, dat hy nie die gesag gehad het om haar in Maart vanjaar van haar amp as sekretaris-generaal van die UPM te onthef nie.Sy beweer verder dat Van Wyk, asook die party se sekretaris vir inligting en reklame, Francis William David Huish, onregmatig die party se fondse bestee het.“Die verweerders het onwettig en kwaadwillig die gedragskode van UPM-ampsdraers oortree,” lui Becker se eisbesonderhede.Van Wyk, Huish en die drie ander verweerders het reeds kennisgewing by die hof ingedien van hul voorneme om die saak teen te staan, maar het nog nie pleitstukke ingedien nie.Partye het verlede Woensdag in die hoërhof in Windhoek voor regter Collins Parker verskyn vir voorverhoorverrigtinge.AGTERGRONDVolgens Becker se eisbesonderhede het Van Wyk op 28 Februarie briewe aan die UPM se voorsitter, nasionale tesourier en adjunk-sekretaris-generaal gestuur om hulle in kennis te stel dat hulle van hul verkose poste in die UPM onthef is. Op 6 Maart het hy glo ook vir Becker in kennis gestel dat sy onthef is van haar amp as die party se sekretaris-generaal.Becker beweer dit was ongrondwetlik en onwettig aangesien Van Wyk en die bestuurskomitee na bewering geen mandaat het om sulke aksies te neem nie en slegs die sentrale verkiesingskomitee ingevolge die UPM se grondwet dit kan doen. Huish is ook op 6 Maart glo as waarnemende sekretaris-generaal van die UPM benoem, ’n posisie wat Becker beweer hy nie in aanmerking kan kom of kan aanvaar nie.“Op 12 Maart het die eerste verweerder [Van Wyk] ’n mediaverklaring uitgereik waarin hy beweer dat die UPM finansiële en administratiewe wanbestuur ervaar as gevolg van die eiser [Becker] se optrede in haar hoedanigheid as sekretaris-generaal.”Republikein het destyds berig dat Becker gesê het Van Wyk se uitlatings in dié mediaverklaring bevat ernstige beweringe en is lasterlik.Becker voer verder in haar eisbesonderhede aan dat die bestuurskomitee, insluitend Van Wyk en Huish, onregmatig die party se fondse bestee het sonder die toestemming van ’n kworum van die bestuurskomitee. “Hierdie geld is staatsfondse wat aan die UPM toevertrou word deur setels in die Nasionale Vergadering onder die geregistreerde koalisie met die Popular Democratic Movement (PDM).”EIS TERUGBETALINGIn Becker se aansoek versoek sy ’n hofbevel wat die persoonlike terugbetaling vereis van alle UPM-fondse wat sedert 28 Februarie 2023 deur die verweerders aan onwettige verbintenisse bestee is, asook die terugbetaling van al die toelaes wat tot op hede deur die UPM aan die “onbevoegde amptenare” betaal is.Sy eis verder dat die hof beveel dat amptenare “wat nie verkiesbaar was vir verkiesing nie en teenstrydig met die UPM-gedragskode aangestel is”, met onmiddellike effek moet bedank.Die verweerders het reeds die hof ingelig van hul voorneme om ’n aansoek te bring waarin hulle Becker se eisbesonderhede uitdaag. Hulle beweer dat dit versuim het om ’n skuldoorsaak (cause of action) te bepaal en dat die saak op grond daarvan ter syde gestel moet word. – kristien@republikein.com.na

UPM-geskil nou in hof

Kommentaar

Republikein 2026-03-20

Meld asseblief aan om kommentaar te lewer

UPM-geskil nou in hof

Kommentaar

Republikein 2026-03-20

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.