Uitspraak in saak teen Napwu agt keer uitgestel
Nuwe regter sal vandag uitspraak lewer
Nadat die uitspraak aanvanklik op 25 Oktober gelewer sou word, is dit verskeie kere uitgestel omdat die uitspraak nie gereed was nie of die regter nie beskikbaar was nie.
Die uitspraak in die saak waarin ’n voormalige werknemer van die ministerie van gesondheid en maatskaplike dienste die Namibiese Vakbond vir Staatsdienswerkers (Napwu) van nalatigheid aankla, is reeds agt keer uitgestel en is weer eens geskeduleer om vandag (30 Mei) gelewer te word.
Mnr. Bernardus Araeb het die saak in Desember 2019 aanhangig gemaak nadat Napwu glo versuim het om sy saak van beweerde onwettige ontslag van sy werk betyds by die kantoor van die arbeidskommissaris aan te meld en die saak op grond van verjaring misluk het.
Araeb eis sowat N$1 miljoen in skadevergoeding vir onder meer die verlies aan inkomste, asook vergoeding vir die skuld en boetes wat hy as gevolg daarvan op die lyf geloop het.
Die uitspraak sou aanvanklik op 25 Oktober 2021 gelewer word, maar die uitspraak is voorbehou en tot 21 Februarie vanjaar uitgestel. Op 21 Februarie was die uitspraak nog nie gereed nie en is die saak tot 25 Maart uitgestel. Daarna was dit weer eens tot 5 April uitgestel en weer na 14 April.
Op 14 April is die saak wéér tot 20 April uitgestel aangesien die uitspraak glo nie gereed was nie. Die hofbevel het wel aangedui die uitspraak moet net geredigeer en geteken word.
Die uitspraak is daarna weer tot 9 Mei vir dieselfde rede uitgestel en is vir 12 Mei geskeduleer. Op 12 Mei is die saak uitgestel omdat regter Marlene Tommasi, wat van die begin af die saak aangehoor het, nie beskikbaar was om die uitspraak te lewer nie.
Volgens hofstukke is die uitspraak op dieselfde datum ook uitgestel na vandag (30 Mei), maar dié keer het regter Nate Ndauendapo die hofbevel uitgereik wat glo die hofstukke en rekord in kamers bestudeer het sonder die teenwoordigheid van die partye.
Ndauendapo sal na verwagting vandag uitspraak in die hoërhof in Windhoek lewer.
AGTERGROND
Araeb beweer hy is op 24 Oktober 2016 afgedank en dat hy dieselfde dag met Napwu gekonsulteer het sodat hulle die saak na die kantoor van die arbeidskommissaris kan verwys. Die saak het eers ’n jaar ná sy afdanking voorgekom en is op grond van verjaring uitgegooi.
“Die verweerder het nagelaat om die saak binne ses maande na die kantoor van die arbeidskommissaris te verwys.”
Araeb voer aan Napwu se nalatigheid het veroorsaak dat hy werkloos en sonder inkomste gelaat is en hy van ’n geleentheid ontneem is om aangehoor en moontlik heraangestel te word.
Araeb eis daarom sowat N$474 000 vir verlies aan inkomste, N$304 000 vir oortydvoordele en sowat N$32 000 vir bonusse. Boonop eis hy sowat N$30 000 vir skuld en boetes, sowat N$160 000 vir toekomstige inkomste, asook N$17 000 vir die verlies van klasgeld vir Mancosa College. – [email protected]
Mnr. Bernardus Araeb het die saak in Desember 2019 aanhangig gemaak nadat Napwu glo versuim het om sy saak van beweerde onwettige ontslag van sy werk betyds by die kantoor van die arbeidskommissaris aan te meld en die saak op grond van verjaring misluk het.
Araeb eis sowat N$1 miljoen in skadevergoeding vir onder meer die verlies aan inkomste, asook vergoeding vir die skuld en boetes wat hy as gevolg daarvan op die lyf geloop het.
Die uitspraak sou aanvanklik op 25 Oktober 2021 gelewer word, maar die uitspraak is voorbehou en tot 21 Februarie vanjaar uitgestel. Op 21 Februarie was die uitspraak nog nie gereed nie en is die saak tot 25 Maart uitgestel. Daarna was dit weer eens tot 5 April uitgestel en weer na 14 April.
Op 14 April is die saak wéér tot 20 April uitgestel aangesien die uitspraak glo nie gereed was nie. Die hofbevel het wel aangedui die uitspraak moet net geredigeer en geteken word.
Die uitspraak is daarna weer tot 9 Mei vir dieselfde rede uitgestel en is vir 12 Mei geskeduleer. Op 12 Mei is die saak uitgestel omdat regter Marlene Tommasi, wat van die begin af die saak aangehoor het, nie beskikbaar was om die uitspraak te lewer nie.
Volgens hofstukke is die uitspraak op dieselfde datum ook uitgestel na vandag (30 Mei), maar dié keer het regter Nate Ndauendapo die hofbevel uitgereik wat glo die hofstukke en rekord in kamers bestudeer het sonder die teenwoordigheid van die partye.
Ndauendapo sal na verwagting vandag uitspraak in die hoërhof in Windhoek lewer.
AGTERGROND
Araeb beweer hy is op 24 Oktober 2016 afgedank en dat hy dieselfde dag met Napwu gekonsulteer het sodat hulle die saak na die kantoor van die arbeidskommissaris kan verwys. Die saak het eers ’n jaar ná sy afdanking voorgekom en is op grond van verjaring uitgegooi.
“Die verweerder het nagelaat om die saak binne ses maande na die kantoor van die arbeidskommissaris te verwys.”
Araeb voer aan Napwu se nalatigheid het veroorsaak dat hy werkloos en sonder inkomste gelaat is en hy van ’n geleentheid ontneem is om aangehoor en moontlik heraangestel te word.
Araeb eis daarom sowat N$474 000 vir verlies aan inkomste, N$304 000 vir oortydvoordele en sowat N$32 000 vir bonusse. Boonop eis hy sowat N$30 000 vir skuld en boetes, sowat N$160 000 vir toekomstige inkomste, asook N$17 000 vir die verlies van klasgeld vir Mancosa College. – [email protected]
Kommentaar
Republikein
Geen kommentaar is op hierdie artikel gelaat nie