Uitsettingsbevel teen 'plaaskoper'

Die voornemende koper van ’n plaas in die verre Suide is volgens ’n hofbevel van die grond afgesit, maar sy vee is nog op die plaas. Hy het glo nie sy skuld teen die spertyd aan die eienaars betaal nie. Regter Orben Sibeya het op 9 Julie in die hoërhof in Windhoek ’n uitsettingsbevel teen Dirk Johannes van Dyk Redelinghuys van die plaas Jerusalem No. 73 in die Karasburg-distrik in die ||Kharasstreek uitgereik. Die uitsettingsbevel plaas die eisers – die bejaarde egpaar Johannes Hendrik Albertus (Jan) en Anna-Marie Meyer – weer in besit van die eiendom en Redelinghuys is van die plaas afgesit.’n Skikkingsooreenkoms in die hoërhof is ook tussen die egpaar en Redelinghuys aangegaan wat onder meer die kansellasie van die koopooreenkoms van die plaas insluit. Redelinghuys moet die uitstaande betaling van N$420 000 opdok, asook N$30 000 per maand vir onregmatige okkupasie, rente en koste. Volgens die skikkingsooreenkoms moes hy die bedrag van N$660 000 voor of op 15 Augustus 2024 in die trustrekening van die Meyers se prokureurs inbetaal. Die bedrag van N$660 000 sal die volle betaling uitmaak van die bedrae verskuldig aan die Meyer-egpaar en sal volgens die hofdokument die volle en finale afhandeling van alle eise tussen die partye wees. Redelinghuys het volgens die ooreenkoms ingestem en onderneem om die plaas teen nie later nie as 31 Augustus 2024 te ontruim.Jan Meyer (71) het Dinsdag bevestig dat Redelinghuys wel nie meer op Jerusalem is nie, maar nog nie ’n sent aan hulle terugbetaal het nie nadat hy vir twee en ’n halwe jaar op die eiendom was.“Daar is nog vee op die plaas maar veeartsenydienste het die plaas toegemaak weens ongerymdhede en ’n veiling kan dus nie gehou word nie.”Redelinghuys het aan Network Media Hub erken dat hy wel nie die uitstaande bedrag teen die sperdatum betaal het nie. “Ek het die plaas wel ontruim, maar ons is nog steeds in onderhandeling en van plan om die grond te koop,” het Redelinghuys gesê.“Ons gaan in die volgende week of twee ’n aanbod op die plaas maak. Die proses is aan die gang en daar is baie goeie redes daarvoor om fondse van die buiteland af deur die stelsel te kry.”Volgens Redelinghuys is daar lewende hawe op Jerusalem ter waarde van meer as N$2 miljoen en hy het beklemtoon die betaling en koop van die plaas is nie van die baan nie. – francoise@nmh.com.na

Uitsettingsbevel teen 'plaaskoper'

Kommentaar

Republikein 2025-11-04

Meld asseblief aan om kommentaar te lewer

Uitsettingsbevel teen 'plaaskoper'

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.