Twee vas vir moord, lykskending

Aanklagte van moord, dwarsboming van die gereg en lykskending staar twee jong mans in die gesig nadat die erg geskende liggaam van ’n man wat as ’n vrou geïdentifiseer het, verlede week in Windhoek gevind is.Die 30-jarige Christof Fredericks se liggaam het 32 steekwonde gehad en sy private dele is afgesny en op sy liggaam geplaas.Benewens die 18-jarige Mervin Beukes en die 19-jarige Elias Namwandi, is twee vroueverdagtes ook in hegtenis geneem vir die doelbewuste vernietiging van bewysstukke.Beukes en Namwandi het gister hul eerste verskyning in die Katutura-landdroshof voor landdros Surita Savage gemaak wat hulle borgtog geweier het.Fredericks is laas by winkels in die Otjomuise-woonbuurt in Windhoek gesien voor sy geskende liggaam op 2 Mei in 7de Laan gevind is.Hoofinspekteur Elifas Kuwinga van die Namibiese polisie het die arrestasie gister van twee vroue wat met die saak verband hou, bevestig.“Hulle is verantwoordelik vir die doelbewuste vernietiging van bewysstukke om die identiteit van die twee hoofverdagtes te verdoesel,” sê Kuwinga.Weens die gewelddadige aard van Fredericks se moord en die grusame skending van sy liggaam, tesame met die feit dat hy openhartig was oor sy seksuele oriëntasie, het bewerings laat ontstaan dat dit ’n haatmisdaad teen die LGBTQI-gemeenskap is.Beukes en Namwandi is borgtog geweier weens die erns van die misdaad en uit vrees dat hulle met die voortgesette ondersoek sou inmeng.Beide verdagtes bly in aanhouding in die Windhoek Sentrale Gevangenis tot hul volgende hofverskyning op 31 Julie.Die twee vroueverdagtes verskyn vandag in die hof.– rita@myzone.com.na

Twee vas vir moord, lykskending

Kommentaar

Republikein 2026-02-03

Meld asseblief aan om kommentaar te lewer

Twee vas vir moord, lykskending

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.