Tronkbeamptes aangekla ná beweerde aanranding

’n Gevangene in een van Namibië se tronke dagvaar die kommissaris-generaal van die korrektiewe dienste, die adjunk-kommissaris wat die hoof van die tronk is, die tweede in bevel en twee superintendente, asook vyf wagte vir sowat N$2,5 miljoen.Die eiser, wat ’n 35 jaar vonnis uitdien, beweer hy is op 16 Desember 2019 onwettig geboei en aangerand.Hy eis N$800 000 vir onwettige boei en aanranding, N$50 000 vir trauma en N$1,2 miljoen vir grondwetlike skadevergoeding.‘NORMALE ROETINE’Die eiser beweer hy is na een van die verweerders se kantore geneem waarna vier tronkbeamptes die kantoor binnegestorm het. Een van hulle het na bewering boeie vir hom probeer aansit waarna hy in selfverdediging ’n rekenaarmonitor gegryp het.Volgens hofstukke het dit ’n stoeiery tot gevolg gehad en die verweerders het die monitor by hom afgevat. Hy beweer dat een van die mans hom met die boeie oor die kop geslaan het voordat hy dit aangesit het. Hy is glo na ’n ander kamer geneem waar die verweerders vrae aan hom gerig het. Vyf van die verweerders het hom glo in dié kamer geskop en geslaan.“Ek het besef dit is normale roetine hier om oortredings te boei,” lui die eiser se hofstukke.Die eiser beweer een van die verweerders het gesê dat sy regte nie in daardie tronk meer bestaan nie.“Hier word oortreders geslaan. Dis hoe ons oortreders hanteer wat dink hulle is slim. Moet nie sê jy het regte nie. Hier het oortreders nie regte nie,” luidens die eisers se hofstukke.TRONK ONTKEN AANTYGINGSDie tronk sê dat geen van sy werknemers onregmatig of nalatig opgetree het nie.“Die verweerders pleit dat die eiser die fasiliteit ontwrig het deur die eetsaalry te blokkeer,” lui die hofstukke.Hulle ontken verder dat die eiser ooit aangerand is.“Hy was geboei omdat hy aggressief en geweldadig teenoor die wagte opgetree en staatseiendom in die proses beskadig het.“Die boeie is afgehaal nadat hy kalmeer het.”Die saak is Dinsdag in die hoërhof in Windhoek aangehoor en tot 29 Maart vir skikkingsonderhandelinge uitgestel. – kristien@republikein.com.na

Tronkbeamptes aangekla ná beweerde aanranding

Kommentaar

Republikein 2025-11-05

Meld asseblief aan om kommentaar te lewer

Tronkbeamptes aangekla ná beweerde aanranding

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.