Tobias skuldig aan mesmoord

Die 50-jarige Johannes Tobias is gister in die hoërhof in Windhoek skuldig bevind aan die moord op sy 28-jarige meisie, Miriam Block. Regter Naomi Shivute het bevind dat Tobias se weergawe van die gebeure op die dag van die moord ’n “blote ontkenning” was. Tobias het op 1 Julie 2021 vir Block 11 keer met ’n Okapi-mes gesteek en toe na sy bure gegaan en gesê dat hy sy vrou doodgemaak het. Daarna het die bure hom na sy huis in Rehoboth Blok E vergesel, waar hulle haar liggaam gevind het. Tobias het sy buurvrou vir geld gevra om ’n taxi na die polisiekantoor te neem, waar hy homself later daardie dag oorgegee het. Dit is deur die getuienisse van Tobias se bure en verskeie polisiebeamptes bevestig. ONTKENNINGTobias het met die aanvang van sy verhoor in die hoërhof onskuldig gepleit op die klag van moord teen hom wat saamgelees is met die bepalings van die wet op huishoudelike geweld. Hy het gesê hy het op die dag van Block se dood sy seun by ’n oppasser gelos aangesien hy planne gehad het om vuurmaakhout te gaan kry. Toe die persoon wat hom sou help nie tuis was nie, het hy na ’n plek gegaan waar hulle tradisionele bier (tombo) maak. Volgens Tobias se getuienis het hy tot omstreeks 20:00 daar gebly voor hy terug huis toe is en na bewering gesien het hoe iemand by sy huis inbreek. Verskeie polisiebeamptes het getuig dat daar geen tekens van ’n inbraak gevind kon word nie. Tobias het ontken dat die Okapi-mes – wat volgens polisiebeamptes in sy besit was toe hy homself oorgegee het – aan hom behoort het. Shivute het tydens haar uitspraak dié stelling bevraagteken.“Hoe het die beskuldigde se DNS op die mes gekom wat hy gesê het hy niks van geweet het nie?"VERHOUDINGBlock se broer, Niklaas Block, het getuig dat sy suster se verhouding met Tobias aanvanklik baie goed was, maar dat dit later begin versuur het. Volgens sy getuienis het die paartjie gereeld baklei en het Tobias later gewelddadig teenoor haar geraak. Niklaas het getuig oor Miriam se pogings om Tobias se mishandeling stop te sit en onthou dat hulle voorheen saam met Tobias polisiekantoor toe gegaan het. Miriam het volgens Niklaas nie daardie dag ’n klag teen Tobias gelê nie, aangesien sy hom net wou waarsku. Shivute sal op 28 Julie finale betoë aanhoor voor Tobias se vonnisoplegging. – irene@republikein.com.na

Tobias skuldig aan mesmoord

Kommentaar

Republikein 2025-06-17

Meld asseblief aan om kommentaar te lewer

Tobias skuldig aan mesmoord

Kommentaar

Republikein 2025-06-17

Meld asseblief aan om kommentaar te lewer

MELD AAN

Advertensie