Stina Wu se DBN-verhoor begin in 2026
Skuld beloop glo N$68 miljoen
Die hoërhofverhoor tussen die polities-gekoppelde Chinese eiendomsmagnaat Qiaoxia (Stina) Wu en die staatsbeheerde Ontwikkelingsbank van Namibië (DBN) oor beweerde skuld van N$68 miljoen sal eers volgende jaar begin.
Volgens die jongste hofbevel van regter Andrew Corbett op 13 Oktober, het die twee partye ooreengekom dat die verhoor volgende jaar moet begin op ’n datum wat bepaal sal word, aangesien die hofrol opgedateer moet word.
Die datum sou na verwagting Maandag bepaal word, maar daardie inligting was nog nie teen druktyd gepubliseer nie.
DBN het Wu, saam met haar mede-Chinese sakevennoot, Songgen Huan, hof toe gesleep nadat die twee, deur hul maatskappye in medebesit, Marigold Hotel Developer, First Wall Property Investment en AH Helmsman Group Holdings, glo versuim het om lenings wat hulle van die bank gekry het, terug te betaal.
In hofstukke beweer DBN dat hy N$68 miljoen verskuldig is wat voortspruit uit twee lenings wat die twee se maatskappye ontvang het. Die eerste lening ten bedrae van N$20 miljoen is op 31 Januarie 2017 verkry, terwyl die tweede ter waarde van N$23 miljoen op 19 Julie dieselfde jaar toegestaan is.
DBN se voormalige uitvoerende hoof, Martin Inkumbi, het beide leningsooreenkomste namens die bank onderteken.
Die verweerders het op 11 Julie erken dat hulle die lenings ontvang het, maar betwis steeds die koste op die lenings wat nie deel van die aanvanklike ooreenkomste was nie.
Volgens hofdokumente is beide lenings veronderstel om oor ’n tydperk van tien jaar terugbetaal te word, maar dit blyk dat Wu en Huang se maatskappye nie maandelikse betalings gemaak het nie.
Op 26 Februarie 2021 het die duo DBN genader vir die herstrukturering en konsolidasie van die lenings, wat tot ’n enkele bedrag van N$50 412 878 geherstruktureer is.
Weer eens het die verweerders na bewering versuim om maandelikse betalings betyds, of glad nie, te maak wanneer dit verskuldig was nie.
’n Brief wat die bank in November 2022 geskryf het, het aangedui dat die skuld teen 31 Oktober daardie jaar tot N$59 554 854 gestyg het, waarvan N$1 881 488 agterstallig was en ’n paaiement van N$894 059 verwag is.
Op 29 Februarie 2024 het die skuld N$68 434 598 beloop. Dit het die bank aangespoor om hom tot die hof te wend en in sy beëdigde verklaring het DBN gesê dat hulle wil hê dat die hof Wu en Huang moet dwing om die skuld te betaal.
Die bank het verder geëis dat die hof ’n beslaglegging op die verweerders se onroerende eiendom gelas indien geen betaling gemaak word nie.
Die eiendomme sluit in erf 6336, wat 'n gedeelte van Blok L1 in Windhoek is wat 966 vierkante meter beslaan, erf 6337 – ook ’n gedeelte van Blok L1 in Windhoek wat 1 401 vierkante meter beskaab – en erf 8531 in Rundu se Uitbreiding 10, wat 3 301 vierkante meter groot is.
DBN word deur Suné de Klerk van Cronje Incorporated verteenwoordig en Wu en Huang deur Gilroy Kasper van Murorua Kurtz Kasper Incorporated.
EIENDOMSMAGNAAT
Wu is bekend as ’n eiendomsontwikkelaar met winkelsentrums in Oshakati, Windhoek, Rundu en Divundu. Sy besit ook ’n hotel in Windhoek en verskeie eiendomme en het huise in ’n aantal dorpe in Namibië gebou.
Die sakevrou het ook bande met Swapo, regeringsleiers en grootkoppe in wetstoepassingskringe en is oor die jare heen daarvan beskuldig dat sy die regerende party se politieke veldtogte finansier.
– [email protected]
Volgens die jongste hofbevel van regter Andrew Corbett op 13 Oktober, het die twee partye ooreengekom dat die verhoor volgende jaar moet begin op ’n datum wat bepaal sal word, aangesien die hofrol opgedateer moet word.
Die datum sou na verwagting Maandag bepaal word, maar daardie inligting was nog nie teen druktyd gepubliseer nie.
DBN het Wu, saam met haar mede-Chinese sakevennoot, Songgen Huan, hof toe gesleep nadat die twee, deur hul maatskappye in medebesit, Marigold Hotel Developer, First Wall Property Investment en AH Helmsman Group Holdings, glo versuim het om lenings wat hulle van die bank gekry het, terug te betaal.
In hofstukke beweer DBN dat hy N$68 miljoen verskuldig is wat voortspruit uit twee lenings wat die twee se maatskappye ontvang het. Die eerste lening ten bedrae van N$20 miljoen is op 31 Januarie 2017 verkry, terwyl die tweede ter waarde van N$23 miljoen op 19 Julie dieselfde jaar toegestaan is.
DBN se voormalige uitvoerende hoof, Martin Inkumbi, het beide leningsooreenkomste namens die bank onderteken.
Die verweerders het op 11 Julie erken dat hulle die lenings ontvang het, maar betwis steeds die koste op die lenings wat nie deel van die aanvanklike ooreenkomste was nie.
Volgens hofdokumente is beide lenings veronderstel om oor ’n tydperk van tien jaar terugbetaal te word, maar dit blyk dat Wu en Huang se maatskappye nie maandelikse betalings gemaak het nie.
Op 26 Februarie 2021 het die duo DBN genader vir die herstrukturering en konsolidasie van die lenings, wat tot ’n enkele bedrag van N$50 412 878 geherstruktureer is.
Weer eens het die verweerders na bewering versuim om maandelikse betalings betyds, of glad nie, te maak wanneer dit verskuldig was nie.
’n Brief wat die bank in November 2022 geskryf het, het aangedui dat die skuld teen 31 Oktober daardie jaar tot N$59 554 854 gestyg het, waarvan N$1 881 488 agterstallig was en ’n paaiement van N$894 059 verwag is.
Op 29 Februarie 2024 het die skuld N$68 434 598 beloop. Dit het die bank aangespoor om hom tot die hof te wend en in sy beëdigde verklaring het DBN gesê dat hulle wil hê dat die hof Wu en Huang moet dwing om die skuld te betaal.
Die bank het verder geëis dat die hof ’n beslaglegging op die verweerders se onroerende eiendom gelas indien geen betaling gemaak word nie.
Die eiendomme sluit in erf 6336, wat 'n gedeelte van Blok L1 in Windhoek is wat 966 vierkante meter beslaan, erf 6337 – ook ’n gedeelte van Blok L1 in Windhoek wat 1 401 vierkante meter beskaab – en erf 8531 in Rundu se Uitbreiding 10, wat 3 301 vierkante meter groot is.
DBN word deur Suné de Klerk van Cronje Incorporated verteenwoordig en Wu en Huang deur Gilroy Kasper van Murorua Kurtz Kasper Incorporated.
EIENDOMSMAGNAAT
Wu is bekend as ’n eiendomsontwikkelaar met winkelsentrums in Oshakati, Windhoek, Rundu en Divundu. Sy besit ook ’n hotel in Windhoek en verskeie eiendomme en het huise in ’n aantal dorpe in Namibië gebou.
Die sakevrou het ook bande met Swapo, regeringsleiers en grootkoppe in wetstoepassingskringe en is oor die jare heen daarvan beskuldig dat sy die regerende party se politieke veldtogte finansier.
– [email protected]
Kommentaar
Republikein
Geen kommentaar is op hierdie artikel gelaat nie