Staat verdedig vonnis vir vals rybewyse

Twee mans wat verlede Oktober skuldig bevind en tot nege maande tronkstraf gevonnis is vir die aankoop van vals rybewyse, appelleer nou teen hul skuldigbevinding.Tydens pleitverrigtinge verlede jaar het een van die beskuldigdes aan landdros Murray Munelago in die Rundu-landdroshof gesê dat hulle onwetend vervalste rybewyse by ’n ongeïdentifiseerde personeellid by NaTIS in Windhoek bekom het.Ten spyte van hul oortuiging van onskuld, is Samuel Ndara en Augustinus Kampiku skuldig bevind aan die besit van ’n vervalste sertifikaat ingevolge die pad- en vervoerwet en beide is tot nege maande tronkstraf gevonnis.Die twee mans het intussen in die hoërhof in Windhoek teen hul skuldigbevinding en vonnisoplegging geappelleer, waar die saak deur regter Hosea Angula aangehoor sal word.‘BUITENSPORIG’Hulle voer aan daar was foute in die optekening van hul skulderkennings en dat hulle glo nie van hulle swygreg ingelig is nie.“Die appellante [Ndara en Kampiku] beweer ook dat die vonnis van nege maande buitensporig is, met verwysing na versagtende faktore soos die feit dat hulle eerste oortreders is, werk het en broodwinners is,” lui die hofstukke in hul appèlaansoek.Die staat wat deur aanklaer Taodago Gaweseb verteenwoordig word, staan die appèl teen.Gawaseb het aangevoer dat die landdros aan artikel 115 van die strafproseswet voldoen het deur die regsprosesse aan die beskuldigdes te verduidelik.“Hulle het verkies om verklarings te verskaf wat die grondslag van hul verweer aandui en het nie beswaar gemaak dat hul verklarings as formele skulderkennings aangeteken word nie.”Die staat hou vol dat die vonnis van nege maande tronkstraf gepas is op grond van die erns van die oortreding.“Ten spyte van die feit dat die beskuldigdes eerste oortreders en broodwinner is, weeg die erns van die misdaad swaarder.”WAARSKUWINGDie Paaieowerheid (RA) het die publiek gewaarsku teen swendelaars wat hulle as NaTIS-amptenare voordoen en personeelfoto’s op WhatsApp gebruik om individue te mislei om vals leerlinglisensies aan te bied in ruil vir betalings via e-wallet.Die RA het beklemtoon dat alle NaTIS-betalings persoonlik by amptelike kantore gemaak moet word en dat geen transaksies via e-wallet- of blue-wallet aanvaar word nie.– republikein@republikein.com.na

Staat verdedig vonnis vir vals rybewyse

Kommentaar

Republikein 2025-11-03

Meld asseblief aan om kommentaar te lewer

Staat verdedig vonnis vir vals rybewyse

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.