Staat se tenderproses in die spervuur

Die skarniere van ’n hofsaaldeur in Oshakati kan glo nie vervang word nie, omdat ’n tender daarvoor uitgereik moet word.Die ministerie van justisie het verlede week dié kwessie onder die parlement se aandag gebring en bygevoeg dat dit glo nie moontlik is om die geskikte skarniere in Namibië te vind nie.Die ministerie het ook aangekondig dat hulle N$5 miljoen benodig om lugversorging in die howe te installeer.Na beraming sal dit glo N$2 miljard kos om al die probleme te takel, insluitend gebreekte deure en aanhoudingsareas waar gevangenes aan die elemente blootgestel word.Bernhardt Kukuri van die kantoor van die regbank het die toestande as onmenslik en onwaardig beskryf.’n Swapo-agterbanker Paula Kooper het gevra of daar geen ander manier in die tenderproses is om die hofsaaldeur te herstel nie.“Die definisie in die verkrygingswet laat dit nie toe nie – dit moet &#039;n lewensbedreiging of ’n ander nasionale ramp wees. Jy moet dan ’n proses volg wat voorsiening maak vir ’n afwyking van een of ander aard. Ons moet volgens wetgewing gaan.“Die voordeur van die hof het geval net voor die komitee gekom het. Ek kan steeds sê ons het onlangs ’n brief aan die maatskappy gestuur om op te tree,” het Kukuri gesê.Daar is ook genoem dat die kontrak om die deur te herstel aan ’n plaaslike maatskappy toegeken is en hulle het die kontrakteur drie dae gegee om die deur te installeer.’n Parlementslid en lid van die staande komitee oor regsake, Tjekero Tweya, was ontsteld en het gesê die komitee was in Maart daar en die deur was nie reggemaak nie.“Het ons regtig &#039;n kwotasie nodig vir die skarniere om teruggesit te word? Moet die skarniere van Maart tot Julie hervervaardig word? As dit &#039;n wet is dan kan ons dit in die parlement regmaak. As die wet ons nie help om ’n diens te lewer nie, moet ons dit regmaak,” het hy gesê. Die ministerie het gesê daar is geen geld om die deur reg te maak nie.HUISETweya het glo in Maart die huise vir landdroste en aanklaers besoek en verlede week gevra hoekom die huise se plafonne uitmekaar val.“Mense het die kragbord – die hoofskakelaar – gevandaliseer. Sny die draad af. Ons was daar, ons het dit met ons eie oë gesien. Dit veroorsaak wantroue. Ons kan nie so voortgaan nie,” het hy gesê. Kooper het gesê dat die huise opgeknap is, maar dit lyk na bewering nie so nie.– republikein@republikein.com.na

Staat se tenderproses in die spervuur

Kommentaar

Republikein 2026-02-03

Meld asseblief aan om kommentaar te lewer

Staat se tenderproses in die spervuur

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.