Staat moet N$15 000 opdok ná dagvaarding

Die hoërhof in Windhoek het Vrydag beveel dat die staat ’n man van die informele nedersetting Babylon N$15 000 moet betaal nadat hy onwettig in hegtenis geneem en aangehou is.Kalimbwe Kalimbwe is op 16 November 2022 in hegtenis geneem en na die Otjomuise-polisiekantoor geneem waar hy oornag aangehou is.Hy is die volgende dag op borgtog vrygelaat en sy volgende hofverskyning was op 25 Januarie 2023 waartydens die aanklagte teen hom teruggetrek is. Hy het die inspekteur-generaal van die Namibiese polisie en die ministerie van binnelandse sake, immigrasie, veiligheid en sekuriteit in Julie 2023 hof toe gesleep vir onregmatige en onwettige arrestasie en aanhouding.Hoewel hy aanvanklik N$400 000 in skadevergoeding geëis het, het regter Hannelie Prinsloo beslis dat die respondente hom N$15 000 moet betaal.“Die aansoeker se eis van N$400 000 vir die onwettige arrestasie en oornag-aanhouding, is myns insiens oordrewe. Die hof glo dat die regverdige en toepaslike toekenning van skadevergoeding vir die aansoeker ’n bedrag van N$15 000 is.REG TOT VRYHEID“Die skadevergoeding wat toegestaan word, moet gelyk wees aan die skade wat berokken is en moet die persoonlike reg op vryheid beklemtoon,” het Prinsloo in haar uitspraak gesê. Sy het ook gelas dat die respondente Kalimbwe se regskoste vir die aansoek moet betaal.Prinsloo het ook in haar uitspraak beklemtoon dat die arrestasie en aanhouding geensins buitengewoon was nie. Kalimbwe is op geen manier aangerand of beseer nie.“Die arbitrêre ontneming van persoonlike vryheid word in die wet as ’n ernstige oortreding beskou,” het sy egter in haar uitspraak beklemtoon. – kristien@nmh-hub.com.na

Staat moet N$15 000 opdok ná dagvaarding

Kommentaar

Republikein 2026-02-03

Meld asseblief aan om kommentaar te lewer

Staat moet N$15 000 opdok ná dagvaarding

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.