Sodomiewet: Uitspraak vandag verwag

Die LGBTQIA+-gemeenskap landswyd se oë sal vandag gerig wees op die hoërhof in Windhoek, wat na verwagting uitspraak sal lewer in ’n aansoek wat die land se huidige wet teen sodomie uitdaag. Die LGBTQIA+-aktivis, Friedel Dausab, het die aansoek in Junie 2022 aanhangig gemaak en beweer die wet wat sodomie kriminaliseer, maak inbreuk op mense se reg tot privaatheid en gelykheid.Dausab het verder in sy aansoek gesê die sodomiewet verbied intieme omgang tussen gay mans wat instemmende volwassenes is.Die kommissie vir regshervorming het in 2021 twee verslae aan die ministerie van justisie gerig – een van hierdie verslae het aanbeveel dat die verbod op sodomie tot niet verklaar word. “Dit is van 1927 geërf. . . die sodomiewet beteken nie homoseksualiteit is onwettig nie,” het Linda Baumann van die Trans Intersex Androgen Movement (Tiamon) van Namibië gesê. “Dié wet het geen plek in ’n vrye Namibië nie. Die hoërhof beslis môre oor die grondwetlikheid van hierdie wet wat gay mans tot agt jaar tronkstraf kan oplê. Tussen 2003 en 2019 was daar 64 arrestasies vir sodomie,” het die organisasie ten bate van minderheidsregte, Sister Namibia, gister op hul sosiale media gedeel. Die menseregteprokureur Norman Tjombe meen dat vorige uitsprake die weggebaan het om die sodomiewet te skrap. Hy verwys spesifiek na die definisie van “gade” wat die hooggeregshof beslis het moet eggenote van selfdegeslaghuwelike, wat buite Namibië voltrek is, insluit.“Met selfdegeslaghuwelike, alhoewel dit beperk is tot huwelike wat in die buiteland voltrek is, sal dit vir die hof baie moeilik wees om voort te gaan met ’n wet wat seksuele omgang tussen instemmende volwassenes verbied,” het hy gesê. Die organisasie wat LGBTQ+-regte in Namibië ondersteun, Equal Namibia, het soortgelyke sentimente op sosiale media gedeel.“Dekades van aktivisme en voorspraak van ’n bemagtigde gemeenskap en bondgenote in solidariteit het gelei tot hierdie geskiedkundige oomblik, wat die beskerming van gelykheid en vryheid van diskriminasie vir geslagte van Namibiërs sal bepaal.”– irene-mari@nmh-hub.com.na

Sodomiewet: Uitspraak vandag verwag

Kommentaar

Republikein 2025-11-03

Meld asseblief aan om kommentaar te lewer

Sodomiewet: Uitspraak vandag verwag

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.