Sieklike Mwilima bly in aanhouding
Hooggeregshof lewer uitspraak
Die 68-jarige het slegs die helfde van sy vonnis vir moord en hoogverraad uitgedien.
’n Oudlid van die Nasionale Vergadering wat aan ernstige gesondheidskwale ly, Geoffrey Kupuzo Mwilima, het weer eens in sy poging misluk om uit die Windhoek Sentrale Gevangenis vrygelaat te word.
Mwilima is in 2015 tot 18 jaar tronkstraf gevonnis nadat hy aan moord en hoogverraad skuldig bevind is op grond van sy komplot om die destydse Caprivistrook van Namibië af te stig.
Hy het teen ’n uitspraak van die hoërhof, waarin sy aansoek om vrylating misluk het, in die hooggeregshof geappelleer en dié aansoek is gister van die hand gewys.
MEDIESE AANBEVELING
Die ministerie van binnelandse sake, immigrasie, veiligheid en sekuriteit het op grond van ’n aanbeveling deur ’n mediese kenner, besluit dat Mwilima nie uit aanhouding vrygelaat kan word nie.
Die mediese kenner het vasgestel Mwilima ly aan diabetes mellitus en chroniese nierversaking, asook hipertensie, epilepsie en hipercholesterolemie.
Hy het egter bevind dat Mwilima se voortgesette aanhouding nie nadelig vir sy gesondheid sal wees nie.
“Hy het toegang tot gereelde dialisesessies en ook tot sy privaat dokters wanneer dit nodig is,” het die mediese kenner in sy aanbeveling aan die minister gesê en bygevoeg dat Mwilima “siek, maar stabiel” is.
Mwilima het dié aanbeveling en die besluit van die minister in die hoërhof uitgedaag, maar sy hersieningsaansoek is in Maart 2023 van die hand gewys.
APPÈLAANSOEK
In Mwilima se appèlaansoek het hy aangevoer dat die mediese kenner se besluit dat hy nie vrygelaat moet word nie, onredelik en irrasioneel was en dat hy nie ’n geleentheid gegun is om sy kant van die saak te stel, voor die aanbeveling gemaak is nie.
Hy het geëis dat hof die mediese kenner se aanbeveling tersyde stel en die ministerie van binnelandse sake, immigrasie, veiligheid en sekuriteit moet beveel om hom vry te laat.
UITSPRAAK
“Daar is geen geldige gronde vir die hof om die mediese kenner se besluit te hersien nie
“Hierdie hof bevind dat daar geen willekeur, wispelturigheid, onredelikheid of irrasionaliteit oor die mediese kenner se besluit was nie.
“Indien die appellant enige vertoë gehad het om aan die mediese beampte te rig, het daardie geleentheid tydens die mediese ondersoek bestaan,” lui die uitspraak wat gister deur regters, Theo Frank, Peter Shivute en David Smuts, gelewer is.
– [email protected]
Mwilima is in 2015 tot 18 jaar tronkstraf gevonnis nadat hy aan moord en hoogverraad skuldig bevind is op grond van sy komplot om die destydse Caprivistrook van Namibië af te stig.
Hy het teen ’n uitspraak van die hoërhof, waarin sy aansoek om vrylating misluk het, in die hooggeregshof geappelleer en dié aansoek is gister van die hand gewys.
MEDIESE AANBEVELING
Die ministerie van binnelandse sake, immigrasie, veiligheid en sekuriteit het op grond van ’n aanbeveling deur ’n mediese kenner, besluit dat Mwilima nie uit aanhouding vrygelaat kan word nie.
Die mediese kenner het vasgestel Mwilima ly aan diabetes mellitus en chroniese nierversaking, asook hipertensie, epilepsie en hipercholesterolemie.
Hy het egter bevind dat Mwilima se voortgesette aanhouding nie nadelig vir sy gesondheid sal wees nie.
“Hy het toegang tot gereelde dialisesessies en ook tot sy privaat dokters wanneer dit nodig is,” het die mediese kenner in sy aanbeveling aan die minister gesê en bygevoeg dat Mwilima “siek, maar stabiel” is.
Mwilima het dié aanbeveling en die besluit van die minister in die hoërhof uitgedaag, maar sy hersieningsaansoek is in Maart 2023 van die hand gewys.
APPÈLAANSOEK
In Mwilima se appèlaansoek het hy aangevoer dat die mediese kenner se besluit dat hy nie vrygelaat moet word nie, onredelik en irrasioneel was en dat hy nie ’n geleentheid gegun is om sy kant van die saak te stel, voor die aanbeveling gemaak is nie.
Hy het geëis dat hof die mediese kenner se aanbeveling tersyde stel en die ministerie van binnelandse sake, immigrasie, veiligheid en sekuriteit moet beveel om hom vry te laat.
UITSPRAAK
“Daar is geen geldige gronde vir die hof om die mediese kenner se besluit te hersien nie
“Hierdie hof bevind dat daar geen willekeur, wispelturigheid, onredelikheid of irrasionaliteit oor die mediese kenner se besluit was nie.
“Indien die appellant enige vertoë gehad het om aan die mediese beampte te rig, het daardie geleentheid tydens die mediese ondersoek bestaan,” lui die uitspraak wat gister deur regters, Theo Frank, Peter Shivute en David Smuts, gelewer is.
– [email protected]
Kommentaar
Republikein
Geen kommentaar is op hierdie artikel gelaat nie