Shanghala eis meubels, internettoegang in hof
Die Fishrot-beskuldigdes se verhoor is gister tot volgende week uitgestel
Dit weens ’n besluit wat regter Moses Chinhengo moet neem oor ’n aansoek om die verhoor uit te stel hangende die uitkoms in ’n ander aansoek voor regter Shafimana Ueitele.
Dié aansoek voor Ueitele is vir Sacky Shanghala, James Hatuikulipi en Pius Mwatelulo om afsonderlik van die ander sewe beskuldigdes verhoor te word. Die drie mans se aansoek is gebaseer op die feit dat hulle nie regsverteenwoordigers het nie.
BESWAAR TEEN HOFSAAL
Toe hofverrigtinge gister in die hoërhof in Windhoek begin het, het Shanghala versoek dat die verhoor weens verskeie redes in ’n ander hof aangehoor word.
Shanghala voer onder meer aan dat hy en die ander nege beskuldigdes in “’n hok by die Otjozondjupa-hof aangehou word”.
Dit volg op Shanghala se aansoek dat die tralies in die hofsaal naby die Windhoek Sentrale Gevangenis – waar die Fishrot-verhoor tans aangehoor word – inbreuk maak op sy reg om onskuldig geag te word tot hy skuldig bevind word. Die tralies is gevolglik verwyder sedert hy in April kapsie daarteen gemaak het.
“Jy kyk op en danksy hierdie tralies sien jy ’n misdadiger. Ons [medebeskuldigdes] het niemand doodgemaak nie. Ek is nie ’n wrede man nie.
“Nie een van ons is wrede mense nie, [ons is] belastingbetalers,” het hy in April aan Chinhengo gesê in sy pleidooi om die tralies te laat verwyder.
Gister het Shanghala weer eens sy ontevredenheid met die hofsaal uitgespreek en aangevoer dat ’n gebrek aan lessenaars om op te werk, kragpunte, toegang tot die internet in die hof en ’n staanlessenaar (lectern) waarvan hulle die hof kan toespreek, beteken dat hy nie vir sy saak tot die beste van sy vermoë kan voorberei nie.
Tydens die verrigtinge het Shanghala ook sy misnoeë uitgespreek dat Chinhengo hom nie genooi het om sy aansoeke van voor in die hof, waar die ander prokureurs staan, kon maak nie en hy eerder vanuit die beskuldigdebank moes argumenteer. Hy voer aan dat Ueitele hom genooi het om die hof van buite die beskuldigdebank toe te spreek.
In nog ’n aparte aansoek daag Shanghala ook die grondwetlikheid van Chinhengo se aanstelling uit.
MAANDAG WEER IN HOF
Die staatsaanklaer, Ed Marondedze, het met Shanghala saamgestem dat die hoofverhoor vir eers tot ’n stilstand moet kom tot Shanghala se aansoek oor Chinhengo se aanstelling afgehandel is.
“Teen die tyd dat die ander aansoek afgehandel is, kon ons een of twee getuies aangehoor het en as die aansoek slaag, moet die verhoor van voor af begin,” het hy gesê.
Die regter se besluit oor die uitstel van die hoofverhoor sal na verwagting eerskomende Maandag 18 November bekend gemaak word.
– [email protected]
Dit weens ’n besluit wat regter Moses Chinhengo moet neem oor ’n aansoek om die verhoor uit te stel hangende die uitkoms in ’n ander aansoek voor regter Shafimana Ueitele.
Dié aansoek voor Ueitele is vir Sacky Shanghala, James Hatuikulipi en Pius Mwatelulo om afsonderlik van die ander sewe beskuldigdes verhoor te word. Die drie mans se aansoek is gebaseer op die feit dat hulle nie regsverteenwoordigers het nie.
BESWAAR TEEN HOFSAAL
Toe hofverrigtinge gister in die hoërhof in Windhoek begin het, het Shanghala versoek dat die verhoor weens verskeie redes in ’n ander hof aangehoor word.
Shanghala voer onder meer aan dat hy en die ander nege beskuldigdes in “’n hok by die Otjozondjupa-hof aangehou word”.
Dit volg op Shanghala se aansoek dat die tralies in die hofsaal naby die Windhoek Sentrale Gevangenis – waar die Fishrot-verhoor tans aangehoor word – inbreuk maak op sy reg om onskuldig geag te word tot hy skuldig bevind word. Die tralies is gevolglik verwyder sedert hy in April kapsie daarteen gemaak het.
“Jy kyk op en danksy hierdie tralies sien jy ’n misdadiger. Ons [medebeskuldigdes] het niemand doodgemaak nie. Ek is nie ’n wrede man nie.
“Nie een van ons is wrede mense nie, [ons is] belastingbetalers,” het hy in April aan Chinhengo gesê in sy pleidooi om die tralies te laat verwyder.
Gister het Shanghala weer eens sy ontevredenheid met die hofsaal uitgespreek en aangevoer dat ’n gebrek aan lessenaars om op te werk, kragpunte, toegang tot die internet in die hof en ’n staanlessenaar (lectern) waarvan hulle die hof kan toespreek, beteken dat hy nie vir sy saak tot die beste van sy vermoë kan voorberei nie.
Tydens die verrigtinge het Shanghala ook sy misnoeë uitgespreek dat Chinhengo hom nie genooi het om sy aansoeke van voor in die hof, waar die ander prokureurs staan, kon maak nie en hy eerder vanuit die beskuldigdebank moes argumenteer. Hy voer aan dat Ueitele hom genooi het om die hof van buite die beskuldigdebank toe te spreek.
In nog ’n aparte aansoek daag Shanghala ook die grondwetlikheid van Chinhengo se aanstelling uit.
MAANDAG WEER IN HOF
Die staatsaanklaer, Ed Marondedze, het met Shanghala saamgestem dat die hoofverhoor vir eers tot ’n stilstand moet kom tot Shanghala se aansoek oor Chinhengo se aanstelling afgehandel is.
“Teen die tyd dat die ander aansoek afgehandel is, kon ons een of twee getuies aangehoor het en as die aansoek slaag, moet die verhoor van voor af begin,” het hy gesê.
Die regter se besluit oor die uitstel van die hoofverhoor sal na verwagting eerskomende Maandag 18 November bekend gemaak word.
– [email protected]
Kommentaar
Republikein
Geen kommentaar is op hierdie artikel gelaat nie