Rundu moet regskoste aan RedForce betaal, sê hof

Kenya Kambowe - Die hoërhof in Windhoek het Rundu se dorpsraad opdrag gegee om RedForce te vergoed vir koste wat verband hou met die versuim van die plaaslike owerheid se regspan om hofbevele na te kom.“Hierdie hof beveel hiermee dat verspilde koste aan die eiser toegestaan word vir die verweerder se vorige laat nakoming van hofbevele,” lui regter Eileen Rakow se beslissing.Die presiese bedrag is nie amptelik bekend gemaak nie, maar ons susterkoerant Namibian Sun het van ’n betroubare bron verneem dat dit sowat N$30 000 beloop.VERDUIDELIKINGS Luidens hofstukke het die dorpsraad se regsverteenwoordiger, die staatsprokureur Wilhelm Amukoto, versuim om aan verskeie spertye gehoor te gee.Amukoto het in Oktober aan die hof gesê dit is omdat hy in Windhoek gebaseer is terwyl sy kliënte in Rundu is. Hy het ook gesê hy het nie duidelike instruksies ontvang nie.By ’n ander geleentheid is die hof ingelig dat ’n sperdatum nie gehaal kan word nie omdat Amukoto by ’n siviele verhoor in ’n ander hof betrokke was.“Die verweerders kon ongelukkig nie hul aansoek om kondonasie indien nie weens die buitensporige kort tyd wat toegelaat is, tesame met die verweerders se regspraktisyns se werkslading.”REGSVERTEENWOORDIGING Die Rundu-dorpsraad het private prokureurs in vorige regskwessies aangestel.In die saak teen RedForce het hy hom egter tot die kantoor van die prokureur-generaal gewend vir regsverteenwoordiging.Olavi Nathanael, die uitvoerende hoof van Rundu, het verduidelik die raad kon nie ’n private prokureur bekostig nie.’n Paar maande gelede het ’n raadspersoneellid teleurstelling in die raad uitgespreek omdat hy die prokureur-generaal-roete gekies het in plaas daarvan om ’n private prokureur aan te stel.“Staatsprokureurs het baie werk, en in ’n saak van hierdie omvang, wat byna N$10 miljoen behels, het ons ’n private prokureur nodig gehad. Dit sal ons kos, en ons sal uiteindelik aan RedForce die geld betaal wat hy wil hê, waarvoor hy nie gewerk het nie,” het die bron aangevoer.RedForce beweer hy het na raming N$9,2 miljoen verloor weens die beëindiging van die kontrak in Februarie, 10 maande voor die ooreenkoms ten einde sou loop.Die raad voer aan dat dit binne sy reg was om die RedForce-kontrak te beëindig aangesien die maatskappy nie sy maandelikse teiken van N$5 miljoen gehaal het nie.Die saak is tot 23 Januarie volgende jaar uitgestel vir ’n statusverhoor.– republikein@republikein.com.na

Rundu moet regskoste aan RedForce betaal, sê hof

Kommentaar

Republikein 2025-07-04

Meld asseblief aan om kommentaar te lewer

Rundu moet regskoste aan RedForce betaal, sê hof

Kommentaar

Republikein 2025-07-04

Meld asseblief aan om kommentaar te lewer

MELD AAN

Advertensie