Rundu-landdroskantoor ’n ‘varkhok’

Kenya Kambowe – Met die landdroshof in Rundu wat beide die Kavangostreke bedien, het kantoorruimte &#039;n uitdaging geword vir dié perseel - waar muise en reptiele aan hofdokumente in die oorvol stoorkamers en kantore vreet. Dit is nog onduidelik wanneer die Kavango-Wesstreek sy eie landdroshof sal kry.Ons susterkoerant Namibian Sun het onlangs waargeneem hoe deurmekaar die Rundu-landdroskantore - veral die klerk se kantoor – is, met belangrike dokumente wat op die toonbank lê omdat die hofbeamptes geen alternatiewe plek het om dit te stoor nie.Dit is egter net ’n klein gedeelte van ’n groter probleem wat die gebrek aan ruimte in die landdroskantore in Rundu betref.Om olie op die vuur te gooi, het die werknemers in die kantore wat hul griewe met Namibian Sun gedeel het, gesê die betrokke lynministerie is bewus van hul uitdagings, maar neem hulle versoeke skynbaar nie ernstig op nie.Met lêers wat terugdateer na 1993 wat steeds in die kantore gestoor is, het die hofpersoneel gesê die ministerie van justisie moet aan maniere dink om van dié ou lêers ontslae te raak.“Die werksomgewing hier is nie goed nie. Soos jy kan sien, verskil dit nie van &#039;n varkhok nie,” het een hofbeampte gesê.“Die hoofkantoor is al jare bewus van ons uitdagings, maar niks is gedoen om &#039;n goeie omgewing vir ons te skep nie. Ons verdien beter.“Watter soort dienslewering verwag jy van ons as dit die omgewing is waarin ons werk?”&#039;n Senior hofbeampte wat saamgestem het oor die uitdagings wat dié hof in die gesig staar, het navrae na die ministerie van justisie verwys.Vrae wat verlede week Maandag aan die ministerie gestuur is, is egter teen druktyd nog nie beantwoord nie.Kavango-Wes se sake word soms by die periodieke hof in Kahenge hanteer, maar die hofbeamptes van Rundu moet na Kahenge reis en vir minstens &#039;n week daar gestasioneer word.Dit beteken die ministerie moet baie geld aan reistoelae bestee.Inwoners wat misdade in die Kavango-Wesstreek pleeg, moet eers in Rundu verskyn, iets waaroor inwoners, wat vra vir &#039;n landdroshof in Kavango-Wes, ongelukkig is.republikein@republikein.com.na

Rundu-landdroskantoor ’n ‘varkhok’

Kommentaar

Republikein 2026-02-25

Meld asseblief aan om kommentaar te lewer

Rundu-landdroskantoor ’n ‘varkhok’

Kommentaar

Republikein 2026-02-25

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.