ReconAfrica se aansoek vir nuwe regter misluk

In die saak waar ’n inwoner van Mbambi in die Kavango-Oosstreek vir Reconnaissance Energy Africa (ReconAfrica) hof toe sleep, omrede dat ReconAfrica na bewering sy familie se land gebruik het om die terrein vir sy tweede toetsgat voor te bereik, is ReconAfrica se aansoek dat regter Eileen Rakow haarself van die saak moet onttrek, van die hand gewys.Mnr. Andreas Sinonge beweer ReconAfrica het sonder konsultasie of vooraf kennisgewing die natuurlike woud en landerye vernietig wat sy familie wettiglik benut.ReconAfrica se onttrekkingsaansoek is by die hoërhof in Windhoek ingedien ná ’n dispuut waartydens Rakow glo partydig opgetree het.Rakow het einde verlede maand haar redes vir die weiering van die aansoek ingedien en die saak het gister in die hoërhof voortgeduur.AANSOEK MISLUKVolgens Rakow se uitspraak wat op 18 Maart gelewer is, het ReconAfrica versuim om die bewyslas van die aansoek na te kom.“&#039;n Blote indruk van partydigheid is nie voldoende om die vermoede te weerlê dat &#039;n regterlike beampte veronderstel is om onpartydig te wees wanneer ’n geskil besleg word nie. Wat vereis word, is &#039;n begrip gebaseer op redelike gronde dat die regterlike beampte nie onpartydig sal wees nie.”Rakow het ook gelas ReconAfrica moet Sinonge se regkostes rakende die aansoek betaal.Volgens die uitspraak, is die aansoek ingedien ná ’n dispuut in die hof in November verlede jaar waar Rakow in ReconAfrica se mening partydig opgetree het.Die dispuut was aangaande ’n beantwoordende verklaring van Sinonge. ReconAfrica was onder die indruk dat hulle verbied was om die verklaring in te dien te same met die feit dat die tyd vir so ’n indiening reeds verstreke was.Rakow het wel opdrag gegee dat Sinonge kans gegun word om die verklaring in te dien. ReconAfrica het verontreg gevoel en het die onttrekkingsaansoek ingedien.“Wanneer &#039;n regterlike beampte op &#039;n punt afkom wat verteenwoordigers nie voor hom beredeneer het nie en hy is van mening dit kan van belang in die saak wees, is dit sy plig om partye van so &#039;n punt in te lig en hulle uit te nooi om indienings te maak,” lui Rakow se uitspraak.AGTERGRONDSinonge het by die hof aansoek gedoen vir &#039;n bevel om ReconAfrica van hul kommunale grond te verwyder en die gebied te herstel soos voorheen.Die ander respondente in die saak is die Nasionale Petroleumkorporasie (Namcor), wat 10% aandele in ReconAfrica besit, die Shambyu Tradisionele Owerheid, asook die ministers van myne en energie, landbou, water en grondhervorming en die omgewing, bosbou en toerisme.Sinonge sê in die hofstukke sy familie benut sedert 1968 wettiglik die grond vir &#039;n bestaansboerdery en eis dat die hof ReconAfrica en die Shambyu Tradisionele Owerheid gelas om die terrein aan hom terug te besorg, die bogrond weer op te vul en hul landerye te hervestig.– kristien@republikein.com.na

ReconAfrica se aansoek vir nuwe regter misluk

Kommentaar

Republikein 2026-06-19

Meld asseblief aan om kommentaar te lewer

ReconAfrica se aansoek vir nuwe regter misluk

Kommentaar

Republikein 2026-06-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.