Polisie reik lasbrief uit vir ‘baba-moordenaar’

Me. Pricilla Stuurman (29) wat daarvan beskuldig word dat sy haar ses maande oue seun vermoor het, het versuim om gister vir haar verhoor in die hoërhof in Windhoek te verskyn. Sy is tans vry op borgtog.Volgens Stuurman se regsverteenwoordiger, mnr. Milton Engelbrecht, is ’n lasbrief vir haar inhegtenisname uitgereik en sal die saak eers voortgaan nadat sy gevind is. In haar pleitverduideliking het sy gesê sy het per ongeluk haar baba, Stiaan Cidio Stuurman, laat val terwyl sy dronk was.Die staat beweer sy het haar baba se kop verskeie kere teen die vloer geslaan. Hulle voer aan dat die seun nie van een val, soos Stuurman beweer, drie skedelbreuke kon opdoen nie.Stiaan het ’n dag ná die voorval in die staatshospitaal op Karasburg aan sy kopbeserings beswyk.Die dokter wat Stiaan se nadoodse ondersoek uitgevoer het, dr. Haroldt Uahin, het reeds getuig en het Stuurman se weergawe van gebeure verwerp omdat die beserings dit nie staaf nie.Die staat voer verder aan dat Stuurman glo vir getuies gesê het sy gaan die baba doodmaak.Stuurman ontken sy het nie bedoel om hom dood te maak nie en sê dit was ’n ongeluk.Die voorval het op 23 Desember 2019 in die ||Kharasstreek plaasgevind.Stuurman staan tereg op een klag van moord saamgelees met die bepalings van die wet op huishoudelike geweld.– kristien@republikein.com.na

Polisie reik lasbrief uit vir ‘baba-moordenaar’

Kommentaar

Republikein 2025-05-30

Meld asseblief aan om kommentaar te lewer

Polisie reik lasbrief uit vir ‘baba-moordenaar’

Kommentaar

Republikein 2025-05-30

Meld asseblief aan om kommentaar te lewer

MELD AAN

Advertensie