Polisie ‘meng in’ by saak

Mnr. Norman Tjombe, die regsverteenwoordiger wat optree vir ’n gesin van Mariental wie se dogter dood is kort nadat sy na bewering deur ’n motor raakgery is, beweer polisiebeamptes op dié dorp probeer die familie oortuig om ’n siviele saak met betrekking tot haar dood terug te trek.Die negejarige Hendrina Amupolo is in Mei dood toe ’n boer glo op Plot K11 by die Hardapskema aan die buitewyke van Mariental oor haar gery het.Mnr. Johan Meyer het na bewering oor die meisie gery toe hy haar saam met haar ma en ander mense betrap het terwyl hulle glo besig was om grondbone op sy lande uit te grawe.Meyer staan tereg op ’n klag van strafbare manslag en borgtog van N$3 000 is toegestaan, wat openbare oproer ontlok het.WANGEDRAGIn ’n brief wat verlede week aan die inspekteur-generaal Joseph Shikongo van die Namibiese polisie gerig is, het Tjombe geskryf: “Ons is ingelig sekere polisiebeamptes verbonde aan die Mariental-polisiekantoor probeer om ons kliënte te oortuig om die siviele saak teen mnr. Johan Meyer terug te trek.“Ons verstaan die polisiebeamptes het die taak gehad om die nodige bewysstukke, insluitend getuieverklarings, te bekom in die nastrewing van die strafregtelike klag van moord teen mnr. Johan Meyer, maar hulle het dit eerder op hulself geneem om ons kliënte te oortuig om die siviele saak terug te trek.“Ons rig hierdie brief aan u om die saak verder te ondersoek aangesien dit duidelik onvanpas is en moontlik dui op wangedrag in die vorm van korrupsie aan die betrokke polisiebeamptes se kant,” lui die brief.– republikein@republikein

Polisie ‘meng in’ by saak

Kommentaar

Republikein 2026-05-05

Meld asseblief aan om kommentaar te lewer

Polisie ‘meng in’ by saak

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.