Ouers eis N$10 miljoen ná dogter se dood
Johan Meyer staan saak teen
Die ouers van wyle Hendrina Mupolo het 'n siviele saak teen die boer van Mariental aanhangig gemaak wat haar na bewering doodgery het.
Die ouers van die 9-jarige meisie wat ’n boer van Mariental na bewering in Mei verlede op sy kleinhoewe doodgery het, eis elk N$5 050 000 en ’n bykomende N$10 000 in skadevergoeding.
Elias Mupolo en Annemarie !Auchmus is Hendrina Mupolo se biologiese ouers en moes toekyk hoe Johan Meyer (51) na bewering hul dogter met sy voertuig raakgery het. Sy is later in die hospitaal op Mariental aan haar beserings dood.
Hulle het in Julie 2022 ’n siviele saak teen Meyer aanhangig gemaak waarin hulle altesaam N$10 110 000 in skadevergoeding eis.
Meyer staan die saak teen en het in pleitstukke gesê dat hy nie die bedrag wat geëis word, aan die eisers verskuldig is nie.
Partye het verlede Woensdag in die hoërhof in Windhoek verskyn vir hofgefasiliteerde bemiddeling.
EISE
Die ouers beweer in hul eisbesonderhede dat hulle ernstige trauma en emosionele skok ervaar het nadat hulle die voorval aanskou het wat tot hul dogter se dood gelei het. Daarvoor eis elkeen skadevergoeding van N$5 miljoen
Hulle voer verder aan dat elkeen sielkundige berading benodig wat N$50 000 per persoon sal beloop.
Hulle eis ’n verdere N$10 000 vir die uitgawes van Hendrina se begrafnis.
MEYER VRY OP BORG
Die voorval het op plot K11 by die Hardapskema buite Mariental plaasgevind toe Meyer na bewering vir Hendrina saam met haar ma en ander mense betrap het terwyl hulle glo op sy landerye besig was om grondbone uit te grawe.
Die bewering is dat Meyer hulle met sy Toyota Land Cruiser gejaag het. Volgens die polisie het hy die meisie in die proses raakgery.
Meyer staan tereg op ’n klag van strafbare manslag en is enkele dae ná die voorval op borgtog van N$3 000 vrygelaat.
Meyer is getroud met die bekende senior staatsaanklaer op Mariental, Anita Meyer.
– [email protected]
Elias Mupolo en Annemarie !Auchmus is Hendrina Mupolo se biologiese ouers en moes toekyk hoe Johan Meyer (51) na bewering hul dogter met sy voertuig raakgery het. Sy is later in die hospitaal op Mariental aan haar beserings dood.
Hulle het in Julie 2022 ’n siviele saak teen Meyer aanhangig gemaak waarin hulle altesaam N$10 110 000 in skadevergoeding eis.
Meyer staan die saak teen en het in pleitstukke gesê dat hy nie die bedrag wat geëis word, aan die eisers verskuldig is nie.
Partye het verlede Woensdag in die hoërhof in Windhoek verskyn vir hofgefasiliteerde bemiddeling.
EISE
Die ouers beweer in hul eisbesonderhede dat hulle ernstige trauma en emosionele skok ervaar het nadat hulle die voorval aanskou het wat tot hul dogter se dood gelei het. Daarvoor eis elkeen skadevergoeding van N$5 miljoen
Hulle voer verder aan dat elkeen sielkundige berading benodig wat N$50 000 per persoon sal beloop.
Hulle eis ’n verdere N$10 000 vir die uitgawes van Hendrina se begrafnis.
MEYER VRY OP BORG
Die voorval het op plot K11 by die Hardapskema buite Mariental plaasgevind toe Meyer na bewering vir Hendrina saam met haar ma en ander mense betrap het terwyl hulle glo op sy landerye besig was om grondbone uit te grawe.
Die bewering is dat Meyer hulle met sy Toyota Land Cruiser gejaag het. Volgens die polisie het hy die meisie in die proses raakgery.
Meyer staan tereg op ’n klag van strafbare manslag en is enkele dae ná die voorval op borgtog van N$3 000 vrygelaat.
Meyer is getroud met die bekende senior staatsaanklaer op Mariental, Anita Meyer.
– [email protected]
Kommentaar
Republikein
Geen kommentaar is op hierdie artikel gelaat nie