Oudpolisielid kry vyf jaar vir diefstal, geldwassery

’n Voormalige polisieman is verlede week in die hoërhof in Windhoek effektief tot vyf jaar tronkstraf gevonnis nadat hy in Augustus skuldig bevind is aan die diefstal van N$720 000 en ’n klag van geldwassery.Op die aanklag van diefstal is Ricardo Nestor tot sewe jaar tronkstraf gevonnis. Twee jaar hiervan is opgeskort op voorwaarde dat hy nie binne vyf jaar ná sy vrylating weer diefstal sal pleeg nie.Hy is tot vyf jaar tronkstraf gevonnis vir die klag van geldwassery, maar dié vonnis sal samelopend met die vonnis op die aanklag van diefstal loop.Nestor het aanvanklik op tien aanklagte tereggestaan. Hy is tydens sy verhoor op ses aanklagte vrygespreek en is onskuldig bevind op twee van die oorblywende vier aanklagte.Die staat het beweer Nestor het in Oktober 2019 onregmatig toegang tot die rekenaar van ’n direkteur van ’n Walvisbaaise konstruksiemaatskappy verkry en ’n vervalste faktuur aan ’n maatskappy gestuur wat vir ’n bouprojek moes betaal. Op dié faktuur is die bankbesonderhede glo na Nestor s’n verander.Die direkteur van die betrokke maatskappy het gesê hy het op ’n verdagte e-pos gekliek en ’n IT-spesialis het ’n program op sy rekenaar gevind wat afstandtoegang tot sy toestel moontlik gemaak het.Owerhede het eers op Nestor se spoor gekom nadat die bank genader is om te bepaal aan wie die rekening op die faktuur behoort.Hoewel die hof nie met sekerheid kon vasstel dat Nestor die toutjies getrek het om die betaling moontlik te maak nie, het Christiaan egter in die vonnisoplegging gesê “daar moet in ag geneem word dat Nestor onmiddellik N$200 000 oorgeplaas het toe die geld in sy rekening beland het om die oorsprong van die geld te verbloem”.“Deur die geld aan Altcoin Trader te stuur, het hy die gesteelde geld in ’n wettige finansiële stelsel geïntegreer,” het sy gesê.Nestor se onwilligheid om oop kaarte met die hof te speel het ook glo teen hom getel.“Dit is duidelik dat die beskuldigde in geen stadium tydens die verhoor die hof ten volle in sy vertroue geneem het met betrekking tot sy berou nie.“Verder, toe hy tydens versagting die geleentheid gegun is om sy berou onder eed te toon, het hy versuim om dit te doen,” het Christiaan tydens die vonnisoplegging gesê.Christiaan sê ook sy het ’n kommerwekkende toename in kubermisdaad in Namibië opgemerk.– irene-mari@nmh-hub.com.na

Oudpolisielid kry vyf jaar vir diefstal, geldwassery

Kommentaar

Republikein 2025-11-04

Meld asseblief aan om kommentaar te lewer

Oudpolisielid kry vyf jaar vir diefstal, geldwassery

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.