Oudkletsrymer uit op borgtog

Die voormalige kletsrymer Kadeen Kaoseb, bekend as KK, is op borgtog van N$65 000 vrygelaat nadat hy vir beweerde bedrog in hegtenis geneem is, het speurder Mathew Kuumbwa van die polisie bevestig.Kaoseb het glo ’n bestelvorm vir N$2 674 175 met Petronella Masabane, die voormalige adjunk- uitvoerende direkteur van gesondheid en maatskaplike dienste se handtekening en op die ministerie se briefhoof vervals.Dit terwyl landdros Victoria Ngula reeds in Februarie in die landdroshof in Windhoek Kaoseb borgtog van N$10 000 toegestaan het.Die landdros het uiteengesit dat Kaoseb elke Maandag tussen 07:00 en 18:00 by ’n polisiekantoor in Windhoek moet aanmeld, sy reisdokumente aan die polisie moet oorhandig en nie die hoofstad mag verlaat sonder om die betrokke polisiebeamptes in kennis te stel nie.’n Ingeligte bron na aan die ondersoek na die beweerde bedrog het aan Network Media Hub gesê Kaoseb het erken dat hy ’n dokument vervals het om oorbruggingsfinansiering te kry. Hy sê hy het dit glo gedoen omdat hy mense geld geskuld het en dit het na bewering buite beheer geraak.Hy verduidelik glo dat Kaoseb geld aan die farmaseutiese maatskappy, Namkit, geskuld het. Die vervalste dokument is na bewering aan Facai Investments uitgemaak, waarby Kaoseb glo betrokke is.Kaoseb het glo erken dat die geld in ’n rekening inbetaal is wat aan sy vriend se maatskappy, Capo Pharmaceuticals, gekoppel is. Hy het na bewering gevra dat die geld direk van sy vriend se rekening aan die maatskappy aan wie hy die geld geskuld het, betaal word.Kaoseb het glo verduidelik dat hy in daardie stadium gevoel het hy het geen ander keuse nie. Hy het glo erken dat hy ’n bestelvorm vervals het en dat hy “die bestelvorm” ingedien het om die oorbruggingsfinansiering te kry.Hy het glo gesê dit is vir hom ’n prioriteit om die geld terug te betaal, maar dat hy net tyd nodig het om die geld bymekaar te kry.FACAI GLO AL VOORHEEN IN DIE SOP’n Plaaslike Engelse dagblad se ondersoekeenheid het voorheen berig Kula Ithana, ’n verpleegster by die Windhoek Sentrale Hospitaal, was een van die lede van die evalueringskomitee wat ’n tender ter waarde van N$2,4 miljard aan Facai Investments toegeken het wat aan haar niggie, Kuna Mushimba, en Kaoseb behoort het. Mushimba en Kaoseb het glo ’n kind saam.Volgens woordvoerders van die Sentrale Verkrygingsraad van Namibië (CPBN) het Ithana nie die botsing van belange verklaar nie.Volgens die dagblad se verslae het Mushimba twee weke nadat aansoeke vir die mediese tender gesluit het uit haar pos by Facai bedank. Mushimba het aan die dagblad gesê: “My familie weet niks van KK nie en hulle weet nie eens wat hy doen nie. So as my eie ma nie eers weet wat hy doen nie, hoe sal my tannie weet?”– irene-mari@nmh-hub.com.na

Oudkletsrymer uit op borgtog

Kommentaar

Republikein 2026-02-20

Meld asseblief aan om kommentaar te lewer

Oudkletsrymer uit op borgtog

Kommentaar

Republikein 2026-02-20

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.