Oud-RCC-hoë skuldig aan korrupsie, bedrog

Die voormalige uitvoerende hoof van die Paaiekontrakteursmaatskappy (RCC), Kelly Nghixulifwa, is gister skuldig bevind aan bedrog en korrupsie in verband met vier afsonderlike voorvalle. Die meerderheid hou verband met twee private maatskappye wat betrokke was by die B1 City-ontwikkeling in die hoofstad. Een van sy medebeskuldigdes, Hafeni Nghinamwaami, is saam met hom skuldig bevind op een van die 11 aanklagte wat oorspronklik teen die drie beskuldigdes gebring is.Die ander beskuldigde, Anna Ndoroma, is op al die aanklagte vrygespreek.Van die 11 aanklagte wat in 2011 teen die drie beskuldigdes aanhangig gemaak is, het net agt oorgebly toe die uitspraak deur regter Christie Liebenberg gelewer is.Dit aangesien al drie ’n aansoek om ontslag ingevolge deel 174 van die Strafproseswet ingedien het.Ndoroma het ná die aansoek om ontslag net een klag van bedrog teen haar gehad wat verband hou met ’n bedrag van N$29 953.73 wat die RCC namens Cradle Investment, waar sy ’n direkteur was, aan Price Waterhouse Coopers (PWC) betaal het.Liebenberg het bevind dit is ’n duplisering van aanklagte aangesien ’n ander klagte, waarop Nghixulifwa en Nghinamwaami beide skuldig bevind is, ook met hierdie betaling verband hou. Dit is die enigste aanklag waaraan Nghinamwaami skuldig bevind is.Nghixulifwa is skuldig bevind aan drie aanklagte van bedrog wat verband hou met die grond waarop die B1 City-ontwikkeling sou plaasvind en ’n huislening van ’n RCC-werknemer wat hy glo met die RCC se geld afbetaal het. Liebenberg het bevind Nghixulifwa het verkeerdelik aan lede van die RCC se direksie gesê dat ’n lening aan die RCC toegestaan is om die grond te koop waar die B1 City-ontwikkeling sou plaasvind.Dié grond is aan /Ae//Gams Engineering oorgedra en Liebenberg het bevind dat Nghixulifwa sy posisie misbruik het deur dié grond, wat met die RCC se geld gekoop is, oor te dra.Die laaste klag waaraan Nghixulifwa skuldig bevind is, is ’n klag wat verband hou met ’n huislening van N$92 729,26 wat Nghixulifwa opdrag gegee het moet met die RCC se geld betaal te word.Die gebeure wat met die klagte verband hou, het so ver terug as 2004 tot 2006 plaasgevind. Hul verhoor het reeds amptelik in November 2020 in die hoërhof begin.– irene@republikein.com.na

Oud-RCC-hoë skuldig aan korrupsie, bedrog

Kommentaar

Republikein 2025-05-01

Meld asseblief aan om kommentaar te lewer

Oud-RCC-hoë skuldig aan korrupsie, bedrog

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie