Ontwikkelaar moet opdok ná regsfirma hom hof toe sleep

Die hof het Maandag ’n Walvisbaaise eiendomsontwikkelaar beveel om nagenoeg N$95 000 aan ’n bekende regsfirma te betaal.Dirk Oosthuizen, die ontwikkelaar van Ziveli Lifestyle Village sowat 15 km buite Windhoek, het versuim om sy regskoste aan Dr Weder, Kauta & Hoveka Incorporated te dek vir drie litigasiesake waarby hy tussen 2018 en 2020 betrokke was.Buiten vir die bedrag van N$94 360 wat Oosthuizen moet betaal, het regter Esi Schimming-Chase ook gelas dat hy rente van 20% per jaar moet betaal wat uitgewerk word vanaf 16 Julie 2022 tot en met die finale oorbetaling.Hy is verder beveel om Dr Weder, Kauta & Hoveka Incorporated se regskoste vir die aansoek te betaal. Die uitspraak is Maandag in die hoërhof in Windhoek gelewer.VERHOORTydens die aanhoor van die aansoek wat Dr Weder, Kauta & Hoveka Incorporated in Junie 2022 teen Oosthuizen en twee van sy besighede aanhangig gemaak het, het Oosthuizen verskeie verwere gelewer.Hy het aangevoer dat die opdraggewende advokaat sonder sy uitdruklike toestemming aangestel is en hy was ook ontevrede oor die redelikheid van die fooie wat die firma geëis het.Hy het ook aangevoer dat die saak reeds verjaar het aangesien te veel tyd verloop het sedert die kwessie ontstaan het.UITSPRAAKSchimming-Chase het egter in haar uitspraak bevind dat die saak nie verjaar het nie.“Dit was duidelik uit die korrespondensie wat as bewysstukke ingedien is dat die verweerders bykomende tyd versoek het om die fakture te betaal en dus indirek aanspreeklikheid vir die skuld erken het en daardeur verjaring onderbreek het. Daarom het die eis nie verjaar nie,” lui die uitspraak.Sy het ook beslis dat daar voldoende bewyse is van ’n ooreenkoms tussen die partye en die gevolglike verwagting dat die fooie vir die dienste betaalbaar sou wees nadat die finale faktuur uitgereik is.Schimming-Chase het ook ’n bevinding gemaak met betrekking tot Oosthuizen se verweer dat hy nie die aanstelling van die advokaat wat names hom opgetree het, goedgekeur het nie.“Op geen tydstip voor die verhoor, toe die advokaat vir die verweerders verskyn het, is enige klagtes gemaak oor die gebrek aan uitdruklike goedkeuring vir die aanstelling van daardie advokaat nie. “Die advokaat het verskyn en die beskuldigdes se sake betoog. Gevolglik was die [Oosthuizen en sy maatskappye] aanspreeklik vir die bedrae wat geëis is.”ZIVELI LIFESTYLE VILLAGEDie vorige sake waarby Oosthuizen betrokke was en regspraktisyns van Dr Weder, Kauta & Hoveka Incorporated hom verteenwoordig het, het te doen gehad met die ontwikkelling van die Ziveli Lifestyle Village.Die hofsake het ontstaan ná kommer uitgespreek is oor die omgewingsimpak wat dit op die omliggende bewaringsgebied se ondergrondse water kon hê. Die kwessie van ’n omgewingsklaringsertifikaat wat ontbreek het, is ook geopper.Die appellante in daardie saak – die Auas Valley-inwonersvereniging, Harmony Mountain Village en inwoners van Tranquility – is ’n tydelik interdik toegestaan wat bouwerk by Ziveli gestaak het.Oosthuizen het egter die hooggeregshof genader en teen dié beslissing geappelleer.Dié appèlaansoek het in September 2018 geslaag. – kristien@nmh-hub.com.na

Ontwikkelaar moet opdok ná regsfirma hom hof toe sleep

Kommentaar

Republikein 2025-11-03

Meld asseblief aan om kommentaar te lewer

Ontwikkelaar moet opdok ná regsfirma hom hof toe sleep

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.