Ontbinde baba eers ná twee dae verwyder

Te midde van ’n toename in aangemelde gevalle van mediese nalatigheid die afgelope maande, het ’n vrou die ministerie van gesondheid en maatskaplike dienste vir N$2 miljoen se skadevergoeding gedagvaar.Dit nadat sy na bewering vir twee dae sonder enige behandeling gelaat is met haar dooie ongebore baba wat besig was om in haar baarmoeder te ontbind.In onlangse verrigtinge in Malensia Mukuua se regsgeding, wat gister in die hooggeregshof in Windhoek aangehoor is, is die saak vir ’n statusverhoor voor regter Eileen Rakow geskeduleer. Luidens Mukuua se besonderhede van haar eis was sy ten tye van haar swangerskap met haar oorlede baba werkloos en het sy op Grootfontein gewoon. “Ek het op 25 Julie 2023 vir ’n roetine-ondersoek vir my swangerskap by die Grootfontein-staatshospitaal gegaan. Ek het tydens die ondersoek gesê ek het voorheen aan ’n kind geboorte geskenk deur ’n noodkeisersnee en dat ek aan hoë bloeddruk ly,” lui die hofstukke.Ná die ondersoek in Julie het sy vroeg in Augustus vir nog ’n ondersoek gegaan. Mukuua, toe 38 weke swanger, het tydens die hospitaalbesoek van erge pyn gekla. Volgens haar is sy deur die mediese personeel ondersoek, maar het glo nie behoorlike behandeling ontvang nie.Mukuua het reeds op 8 Augustus ’n toestemmingsvorm voltooi en onderteken vir ’n elektiewe keisersnee en bilaterale tubale afbinding (BTL) aangesien sy bang was om haar kind te verloor. Die prosedure moes deur ’n verloskundige en ginekoloog uitgevoer word.Aangesien die pyn wat sy ervaar het nie minder geraak het nie, het Mukuua glo daarop aangedring om op 14 Augustus 2023 in die hospitaal opgeneem te word. Dit nadat sy aan die mediese personeel gesê het dat sy reeds vyf dae lank erge pyn ervaar.“Ek is daardie dag omstreeks 17:00 opgeneem en het volgende twee dae in pyn deurgebring met min ondersteuning en mediese sorg. Uiteindelik, op 16 Augustus 2023, het die mediese personeel na my gekyk en geen fetale hartklop en geen fetale beweging gevind nie.”Luidens die hofdokumente het die mediese personeel bevestig dat die ongebore baba reeds dood is. Ten spyte van hierdie bevestiging op 16 Augustus 2023, het die mediese personeel glo vir nog twee dae versuim om na Mukuua om te sien.Sy is eers op 18 Augustus 2023 teater toe geneem vir ’n keisersnee om haar baba te verwyder, wat reeds ’n aaklige reuk begin afskei het. Dít nadat sy glo mediese personeel om hulp moes dreig en smeek.Met die verwydering van haar baba is gesien dat die liggaam reeds begin ontbind het. Mukuua moes antibiotika kry om infeksie te voorkom weens die vertraging om haar baba te verwyder.Die ministerie het nog nie hul verklarings in reaksie op die bewerings ingedien nie.– republikein@republikein.com.na

Ontbinde baba eers ná twee dae verwyder

Kommentaar

Republikein 2026-08-03

Meld asseblief aan om kommentaar te lewer

Ontbinde baba eers ná twee dae verwyder

Kommentaar

Republikein 2026-08-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.