Ondersoek na Yslanders kan help met uitlewering

“NamRA se voorlopige bevindinge is dat die buitelandse [Yslandse] direkteure verskeie wanvoorstellings gemaak het. Die voorlopige bevindinge met betrekking tot belasting op toegevoegde waarde (BTW) dui daarop dat hulle ook inkomstebelastingverklarings vervals het.”So lui ’n verklaring deur die aanklaer-generaal, Martha Imalwa, wat verlede week by die hof ingedien is ten opsigte van die uitleweringsproses van drie Yslanders, Helgason Adalstein, Ingvar Júlíussionen en Egil Arnason, wat die direkteure van maatskappye is wat na bewering by die Fishrot-korrupsieskandaal betrokke was.Volgens Imalwa was daar onvoorsiene vertragings in die finalisering van die formele aansoek om uitlewering van die Yslanders. Sy beweer die ondersoek het inligting na vore gebring wat verdere ondersoek na die Yslanders se betrokkenheid genoodsaak het. “NamRA ondersoek steeds aspekte wat verband hou met werklike finansiële skade wat die Namibiese fiskus gely het as gevolg van hulle misdadige optrede.”Die nuwe inligting en verdere ondersoeke wat uitgevoer moet word, het egter die uitleweringsproses vertraag.WANVOORSTELLINGSVolgens Imalwa se verklaring is dit reeds bevind dat die Yslanders in 2016, 2017 en 2018 wanvoorstellings gemaak het in terme van BTW-betalings van hul handelsbedrywighede.Een van die maatskappye het in 2016 glo byna N$97,8 miljoen oorverklaar, in 2017 sowat N$61,6 miljoen onderverklaar en in 2018 ongeveer N$85 miljoen onderverklaar. ’n Ander maatskappy met Yslandse direkteure het in 2018 na bewering sowat N$286 miljoen onderverklaar.“Die jare 2012-’15 en 2019-’20 moet nog ondersoek word en die huidige bedrae wat bekend is, kan toeneem soos die ondersoek vorder,” het Imalwa in haar verklaring gesê.Hoewel Esja Fishing glo geen uitvoere gedurende die betrokke tydperk verklaar het nie, het NamRA egter gevind dat die maatskappy vis ter waarde van sowat N$95 miljoen uitgevoer het.Die maatskappye met Yslandse direkteure, naamlik Esja Holding, Mermaria Seafood, Saga Seafood, Heinaste Investments Namibia, Saga Investments en Esja Investments, se beweerde oortredings met betrekking tot inkomstebelasting moet nog ondersoek word, luidens die verklaring.“Ander relevante finansiële inligting het ook na vore gekom uit ’n ondersoek deur die Bank of Namibia (BoN) – wat dit onafhanklik gedoen het – met betrekking tot die visserskip Heinaste waardeur die entiteite baie van hul visvangbedrywighede as deel van die korrupte skema uitgevoer het. “Hierdie inligting sal by die uitleweringsversoek ingesluit word.”Imalwa wys daarop dat die uitleweringsaansoek eers voltooi kan word wanneer alle relevante inligting bygevoeg is.Die ondersoek het ook gelei tot die ontdekking van e-posse wat van toepassing is op die beweerde strafregtelike oortredings. Yslandse owerhede het die inligting glo aan die Teenkorrupsiekommissie van Namibië (ACC) op ’n toestel verskaf, wat geïnkripteer is en deur ’n wagwoord beskerm word.YSLANDSE OWERHEDEImalwa is tans voordurend in verbinding met die Yslandse owerhede oor die uitlewering van die drie Yslanders, lui die verklaring.“Ek het gedurende Junie 2022 na Ysland gereis om met plaaslike vervolgingsowerhede in gesprek te tree. Onderwerpe wat bespreek is, sluit in die beskikbaarheid en logistieke reëlings vir die Yslandse getuies om na Namibië te reis, sowel as die deurlopende kwessies en uitleweringsproses teen die buitelandse direkteure.”POCA-VERRIGTINGEImalwa se verklaring is ingedien in die saak waarin sy ’n beperkingsbevel ingevolge die wet op die voorkoming van georganiseerde misdaad (Poca) teen die Fishrot-beskuldigdes en hul entiteite verkry het om hulle bates te laat vries.Dit is ook in dié verrigtinge waarin die bekende likwidateurs, David Bruni en Ian McLaren, onlangs as likwidateurs van die Fishrot-beskuldigdes se bates, uitgetree het.Imalwa het verlede week ’n aansoek ingedien dat Sylvia Tracey Maandero Kanengombe as plaasvervanger aangestel word.Dit is ook in hierdie Poca-saak waar sommige van die Fishrot-beskuldigdes aansoek doen om toegang tot hulle bates te verkry. Dit om hulle in staat te stel om hul private prokureurs te betaal.Ander beskuldigdes het reeds aansoek om regshulp gedoen en het staatsverteenwoordiging ontvang.Die Poca-saak is tot 29 Februarie 2024 uitgestel en die strafregtelike verrigtinge teen die beskuldigdes is vir 23 November geskeduleer vir verdere voorverhoorverrigtinge. Die verhoor sal na verwagting eers volgende jaar begin. – kristien@republikein.com.na

Ondersoek na Yslanders kan help met uitlewering

Kommentaar

Republikein 2025-06-17

Meld asseblief aan om kommentaar te lewer

Ondersoek na Yslanders kan help met uitlewering

Kommentaar

Republikein 2025-06-17

Meld asseblief aan om kommentaar te lewer

MELD AAN

Advertensie