Nuwe egskeidingswet kom met talle veranderinge

Die nuwe egskeidingswet laat nou toe dat ’n eggenoot wat hul gade verneuk of mishandel, hul deel van die huweliksbates kwyt kan wees.In ’n stap om geregtigheid nader aan die mense te bring, kan landdroshowe ook nou egskeidings aanhoor en is dit nie meer net tot die hoërhof beperk nie.Egpare sal ook nie meer verplig word om hul huweliksregte te hervat of geregtlike skeiding te soek om te bewys dat hul huwelik onherstelbaar verbrokkel het nie. Die nuwe wet is onlangs in die Staatskoerant gepubliseer.ONDERHOUDEnige een van die gades kan ook aansoek doen vir onderhoud vir hulself en die hof kan dit op ’n tussentydse basis of vir ’n bepaalde of onbepaalde tydperk goedkeur. Dit is in ’n poging om hulle te beskerm teen ekonomiese swaarkry as gevolg van die verbrokkeling van die huwelik.Hierdie onderhoud wat betaalbaar is aan ’n gade, kan in ’n enkelbedrag of oor ’n tydperk betaal word, afhangende van die ouderdom van die gades, hul inkomste, die duur van die huwelik en of die gade dit werklik nodig het. KINDERSDie wet sluit ook streng bepalings vir die beskerming van kinders in en dus sal geen egskeiding toegestaan word tensy toepaslike reëlings vir die kind se toesig, voogdyskap, toegang of onderhoud getref is nie. Hierdie reëlings moet ook in die kind se beste belang wees.Die wet het ook ten doel om die ouers te verhoed om hul kinders as pionne teen mekaar te gebruik deur die hof toe te laat om ’n onderhoudsbevel te herroep indien toegang tot die kind geweier word. Dit sluit onder meer onderhoudsbevele vir kinders, onderhoudbevele vir gades en bevele vir toesig en voogdyskap in.MEDIADEKKINGVolgens die nuwe wet is dit ook nou ’n misdryf vir die media om besonderhede oor egskeidingsake te publiseer, met die uitsondering vir die doel van regsnavorsing, regsverslae en waar toestemming deur die hof verleen is.“Die hof kan ’n bevel uitreik dat egskeidingsverrigtinge of verrigtinge vir die nietigverklaring van die huwelik of sekere dele van sodanige verrigtinge agter geslote deure gehou word en dat geen ander persoon behalwe die partye tot die huwelik, die regspraktisyns wat namens die partye optree nie, die vereiste hofbeamptes en persone wie se teenwoordigheid nodig is, mag teenwoordig wees nie,” lui die wet.Enigiemand wat dié bepaling van die wet oortree, sal gestraf kan word met ’n boete van hoogstens N$100 000 of met gevangenisstraf vir ’n tydperk van nie meer as vyf jaar nie, of strawwe kan ook beide ’n boete en gevangenisstraf insluit.– republikein@republikein.com.na

Nuwe egskeidingswet kom met talle veranderinge

Kommentaar

Republikein 2025-11-12

Meld asseblief aan om kommentaar te lewer

Nuwe egskeidingswet kom met talle veranderinge

Kommentaar

Republikein 2025-11-12

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.