NSFAF kla werker van bedrog aan

Die Finansiële Hulpfonds vir Namibiese Studente (NSFAF) se hofsaak teen een van sy voormalige werknemers wat na bewering meer as ’n halfmiljoen dollar gesteel het, se verhoor het verlede week in die hoërhof in Windhoek afgeskop.&#039;n Beampte in NSFAF se betalingsafdeling het glo vanaf Oktober 2016 tot April 2019 verskeie rekwisisiedokumente op onwettige en bedrieglike wyse opgestel en instruksies aan NSFAF se bank gegee om betalings in die bankrekening van &#039;n sekere Nelson Ndeitunga Sheefeni te maak.Volgens NSFAF se hofstukke het ’n ondersoek deur die Teenkorrupsiekommissie (ACC) bevind drie verskillende betalings – met ’n gesamentlike waarde van N$529 250 – is in Sheefeni se bankrekening inbetaal.NSFAF beweer die voormalige werknemer het onregmatig voorgehou dat Sheefeni &#039;n NSFAF-begunstigde was en as sodanig in aanmerking gekom het om finansiële steun van NSFAF te ontvang.“Die verweerder het geweet of moes geweet het dat Sheefeni nie &#039;n NSFAF-begunstigde was nie.”Die werknemer voer aan daar was geen manier vir hom om te weet dat Sheefeni nie ’n begunstigde van NSFAF was nie.“Die verweerder het slegs gehandel met lêers wat van die Studentesorgsentrum gestuur is en op geen tydstip in die uitvoering van sy pligte het hy enige aangesig tot aangesig interaksie met studente gehad nie,” lui sy hofstukke wat sy regsverteenwoordiger, mnr. Mbanga Siyomunji, by die hoërhof ingedien het.Hoewel die werknemer erken het hy was verantwoordelik vir die voorbereiding van rekwisisiedokumente, ontken hy dat hy dit onregmatig of bedrieglik gedoen het.“Die lêers van die studente sowel as die betalingsrekwisisiedokumente is altyd aan sy toesighouer vir verifikasie gestuur en sy toesighouer gee dit daarna aan die senior bestuurder.“Die verweerder het geen mandaat om instruksies aan die eiser se bank uit te reik en enige geld in die bankrekening van Nelson Ndeitunga Sheefeni of enige ander student te betaal nie,” lui sy pleitstukke.BANKBESONDERHEDENSFAF beweer ook dat die werknemer die name, identiteitsnommers, studentenommers en kursusse van studente aangeteken het, maar hul bankbesonderhede verander het deur dit met dié van Sheefeni te vervang.“Die verweerder was nie gemagtig om toegang te verkry tot die funksionaliteit vir die wysiging of verandering van die bankbesonderhede op die eiser se betalingstelsel nie, maar hy het onwettig en bedrieglik toegang tot die stelsel verkry en studente se bankbesonderhede verander.”Die werknemer het in pleitstukke uitgewys dat hy wel toegang tot die funksie op die stelsel gehad het, maar ontken hy het dit vir onwettige of bedrieglike redes gebruik.Hy beweer verder dat die ACC se verslag hom nie aan enige onwettige bedrywighede verbind nie.“Die hele verslag is gebaseer op spekulasie en weerlegbare feite.”Hoewel NSFAF in hul hofstukke beweer dat die betrokke werknemer op 25 Maart 2021 bedank het ingevolge dissiplinêre stappe teen hom, beweer die werknemer hy het bedank om ’n nuwe loopbaan aan te pak.Die hof het Sheefeni beveel om te getuig en verder het NSFAF hul interne ouditeur as deskundige getuie geroep. NSFAF se bestuurder van betalings en waarnemende senior bestuurder sal ook getuig.NSFAF word deur mnr. Francois Bangamwabo, &#039;n senior vennoot by FB Law Chambers, verteenwoordig.– kristien@republikein.com.na

NSFAF kla werker van bedrog aan

Kommentaar

Republikein 2026-01-28

Meld asseblief aan om kommentaar te lewer

NSFAF kla werker van bedrog aan

Kommentaar

Republikein 2026-01-28

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.