Nóg ’n beweerde aanranding in tronk

’n Gevangene van die Evaritus Shikongo korrektiewe geriewe op Tsumeb eis N$2 miljoen van die ministerie van binnelandse sake, immigrasie, veiligheid en sekuriteit en die Namibiese Korrektiewe Dienste (NCS).Dit is slegs een van talle sake op die hoërhof se rol teen die ministerie en NCS oor beweerde aanrandings in tronke oraloor die land.Julius Hafeni Nangolo beweer hy is in Februarie 2020 met traangas gespuit en toe hy daarna gaan stort het, het ’n NCS-beampte hom na bewering met ’n knuppel teen die linkerkant van sy kop geslaan, wat hom glo bewusteloos gelaat het.Nangolo beweer in sy eisbesonderhede wat by die hof ingedien is dat die aanranding onwettig was en dat hy dit nie uitgelok het nie.Hy het na bewering ’n oop wond teen sy kop gehad wat hewig geswel het en hy het behandeling by die tronk se kliniek, asook by die staatshospitaal op Tsumeb, ontvang.Nangolo het glo daarna ’n strafregtelike klag teen twee NCS-beamptes by die polisie aangemeld en ’n versoek ingedien om na die Windhoek Sentrale Gevangenis oorgeplaas te word.In hofstukke beweer Nangolo die bogenoemde aanranding het hom nie net fisieke pyn en lyding veroorsaak nie, maar ook sielkundige lyding. Dit het glo ook sy waardigheid aangetas.Hy eis daarom N$2 miljoen van die respondente; N$350 000 vir mediese uitgawes (vir bloedverlies), N$500 000 vir sielkundige en emosionele pyn en lyding, N$150 000 vir die beweerde onwettige aanranding deur traangas wat gespuit is en N$1 miljoen vir die beweerde aanranding wat in die stort plaasgevind het.HOFVERRIGTINGENangolo het reeds die saak in Mei 2022 aanhangig gemaak, maar ná verskeie vertragings is dit steeds nie afgehandel nie. Die minister en NCS het reeds aangedui dat hulle die saak teenstaan, maar het nog nie hul pleitstukke by die hof ingedien nie.Die saak was verlede Donderdag op die rol en Nangolo het in persoon en sonder verteenwoordiging voor regter George Coleman verskyn. Die verweerders was afwesig en die saak is tot 27 April uitgestel.– kristien@republikein.com.na

Nóg ’n beweerde aanranding in tronk

Kommentaar

Republikein 2026-06-19

Meld asseblief aan om kommentaar te lewer

Nóg ’n beweerde aanranding in tronk

Kommentaar

Republikein 2026-06-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.