NDF laat vaar Enercon, kry brandstof by August 26
Weermagwoordvoerder sê saak is sub judice
Sedert 2012 het Enercon meer as N$1 miljard in kontrakte met die ministerie van verdediging verseker, insluitend 'n ooreenkoms om petroleumprodukte te verskaf en brandstofinfrastruktuur by militêre basisse van die NDF te installeer.
Die Namibiese weermag (NDF) het bevestig sy brandstofverskaffingskontrak met die sukkelende Enercon Namibia is nie meer in werking nie, ná die maatskappy se finansiële ineenstorting en daaropvolgende voorlopige likwidasie en bygevoeg dat dit sedertdien brandstof van August 26 Holdings ontvang het.
NDF se woordvoerder, kolonel Petrus Shilumbu, het aan Network Media Holding (NMH) gesê die laaste brandstofaflewering van Enercon het op 21 Mei 2024 plaasgevind, maande voordat die maatskappy se bedrywighede effektief tot stilstand gekom het.
Terwyl Enercon voorheen as die weermag se amptelike brandstofverskaffer gedien het, was Shilumbu onomwonde in sy verklaring dat Namcor, die nasionale oliemaatskappy, nog nooit direk brandstof aan die NDF gelewer het nie.
Op ’n vraag wat die ministerie van verdediging en veteranesake se volgende stappe rakende die nou gestaakte kontrak is, het Shilumbu geweier om kommentaar te lewer, met verwysing na regsensitiwiteite.
“Die saak is sub judice,” het hy gesê.
Sedert 2012 het Enercon meer as N$1 miljard in kontrakte met die ministerie van verdediging verseker, insluitend ’n ooreenkoms om petroleumprodukte te verskaf en brandstofinfrastruktuur by militêre basisse van die NDF te installeer. Hierdie langdurige vennootskap het in 2023 in duie gestort nadat Enercon na bewering ses maande lank nie brandstof gelewer het nie, maar steeds miljoene ontvang het weens ’n omstrede kontraktuele klousule.
Die ineenstorting van Enercon, nou in voorlopige likwidasie, het nasionale aandag getrek, veral na onthullings deur die Finansiële Intelligensiesentrum (FIC) dat meer as N$60 miljoen van Namcor na private rekeninge gekanaliseer is onder die voorwendsel van die verkryging van brandstofbergingsbates. Dié betalings is na bewering gekoppel aan die beskuldigdes in die Namcor-Enercon-bedrogskandaal, naamlik die voormalige besturende direkteur van Namcor, Immanuel (Imms) Mulunga, die voormalige waarnemende hoof van verskaffing en logistiek, Cornelius (Cedric) Willemse, die voormalige kommersiële bestuurder Olivia Dunaiski, die voormalige finansiële hoofbeampte Jennifer Hamukwaya en haar man, Panduleni Hamukwaya, sowel as die sakeman Leo Nandago Stefanus. Enercon se broers Peter en Malakia Elindi, asook laasgenoemde se vrou Lydia Elindi is ook aangekla.
Tydens vandeesweek se formele aansoek om borgtog voor die Windhoek-landdroshof het die Elindi’s se regsverteenwoordiger, Sisa Namandje, vir Peter Elindi in die getuiebank deur die relevante afdelings van die verskaffingsooreenkoms tussen Namcor en Enercon, die maatskappy waarvan hy destyds voorsitter was, gelei.
– [email protected]
NDF se woordvoerder, kolonel Petrus Shilumbu, het aan Network Media Holding (NMH) gesê die laaste brandstofaflewering van Enercon het op 21 Mei 2024 plaasgevind, maande voordat die maatskappy se bedrywighede effektief tot stilstand gekom het.
Terwyl Enercon voorheen as die weermag se amptelike brandstofverskaffer gedien het, was Shilumbu onomwonde in sy verklaring dat Namcor, die nasionale oliemaatskappy, nog nooit direk brandstof aan die NDF gelewer het nie.
Op ’n vraag wat die ministerie van verdediging en veteranesake se volgende stappe rakende die nou gestaakte kontrak is, het Shilumbu geweier om kommentaar te lewer, met verwysing na regsensitiwiteite.
“Die saak is sub judice,” het hy gesê.
Sedert 2012 het Enercon meer as N$1 miljard in kontrakte met die ministerie van verdediging verseker, insluitend ’n ooreenkoms om petroleumprodukte te verskaf en brandstofinfrastruktuur by militêre basisse van die NDF te installeer. Hierdie langdurige vennootskap het in 2023 in duie gestort nadat Enercon na bewering ses maande lank nie brandstof gelewer het nie, maar steeds miljoene ontvang het weens ’n omstrede kontraktuele klousule.
Die ineenstorting van Enercon, nou in voorlopige likwidasie, het nasionale aandag getrek, veral na onthullings deur die Finansiële Intelligensiesentrum (FIC) dat meer as N$60 miljoen van Namcor na private rekeninge gekanaliseer is onder die voorwendsel van die verkryging van brandstofbergingsbates. Dié betalings is na bewering gekoppel aan die beskuldigdes in die Namcor-Enercon-bedrogskandaal, naamlik die voormalige besturende direkteur van Namcor, Immanuel (Imms) Mulunga, die voormalige waarnemende hoof van verskaffing en logistiek, Cornelius (Cedric) Willemse, die voormalige kommersiële bestuurder Olivia Dunaiski, die voormalige finansiële hoofbeampte Jennifer Hamukwaya en haar man, Panduleni Hamukwaya, sowel as die sakeman Leo Nandago Stefanus. Enercon se broers Peter en Malakia Elindi, asook laasgenoemde se vrou Lydia Elindi is ook aangekla.
Tydens vandeesweek se formele aansoek om borgtog voor die Windhoek-landdroshof het die Elindi’s se regsverteenwoordiger, Sisa Namandje, vir Peter Elindi in die getuiebank deur die relevante afdelings van die verskaffingsooreenkoms tussen Namcor en Enercon, die maatskappy waarvan hy destyds voorsitter was, gelei.
– [email protected]
Kommentaar
Republikein
Geen kommentaar is op hierdie artikel gelaat nie