NBC moet verskoning uitreik

Stefan Noechel – Die nasionale uitsaaier (NBC) se aansoek om appèl teen die verhoorkomitee oor mediaklagtes se uitspraak wat bepaal dat die uitsaaier die kode vir media-etiek en -gedrag oortree het, is van die hand gewys.Die uitspraak wat op 27 Junie 2022 gelewer is, het bepaal dat NBC artikel 22 van die gedragskode oortree het. Dié artikel bepaal dat ’n staatsdiensuitsaaier sy beste oordeel moet gebruik om te verseker programme wat omstrede kwessies in publieke belang bespreek, altyd die siening van beide kante regverdig moet verteenwoordig.Volgens die eisers, me. Rinaani Musutua en mnr. Rob Parker, het NBC se Talk of the Nation-program op 29 Maart 2021 slegs eensydig berig oor die Kanadese eksplorasiemaatskappy ReconAfrica. Slegs verteenwoordigers van die ministerie van myne en energie en die ministerie van die omgewing, bosbou en toerisme was tydens die debat teenwoordig en albei ondersteun openlik olie-eksplorasie in die Kavango.“Nadat ons die program volledig gekyk het, glo ons dit was ’n eensydige debat was slegs een kant van die saak stel.“Die aanbieder se vrae is op so ’n wyse aangebied dat slegs positiewe reaksies (pro-ReconAfrica) aangemoedig is,” het die eisers beweer.NBC SE APPÈLNBC het gesê een van die redes waarom die uitsaaier teen die uitspraak geappelleer het, was omdat die klag nie binne die toegelate 30 dae by die media-ombudsman ingedien is nie. Die program is op 29 Maart 2021 uitgesaai, en die klag is eers op 6 Mei ingedien. Die gedragskode spesifiseer nie of dit kalender dae of werksdae is nie. Indien werksdae getel word, is die aansoek betyds by die kantoor van die ombudsman ingedien en dit is op grond hiervan aanvaar.NBC het verder beweer die ombudsman het die gedragskode oortree aangesien hy glo nie sy rol as bemiddelaar in hierdie geval toegepas het nie. Volgens die hofstukke is dit wel duidelik nie een van die partye het in bemiddeling belanggestel nie en dié bewerings is van die hand gewys.Musutua en Parker het aangevoer die NBC is vir die program betaal, wat volgens hulle gelei het tot die bevoordeling van ReconAfrica. Hierdie bewering is ook van die hand gewys omdat die eisers geen konkrete bewyse ten opsigte van dié aantyging kon bied nie.Die verhoorkomitee oor mediaklagtes het dus beveel NBC moet ’n amptelike verskoning uitreik en voor of op 31 Desember 2022, ’n Talk of the Nation-program aanbied waar kritici ֹ’n kans gegun word om hul mening oor olie-eksplorasie te lug. – republikein@republikein.com.na

NBC moet verskoning uitreik

Kommentaar

Republikein 2025-06-17

Meld asseblief aan om kommentaar te lewer

NBC moet verskoning uitreik

Kommentaar

Republikein 2025-06-17

Meld asseblief aan om kommentaar te lewer

MELD AAN

Advertensie