Natuurbewaarders van aanranding beskuldig

’n Inwoner van Katima Mulilo beweer ’n groep van 12 natuurbewaarders het hom verlede jaar by Machita in die Zambezistreek aangerand.Mnr. Albert Sinka Mbeha voer aan die mans het ’n outomatiese geweer teen sy gesig gehou, hom met traangas bespuit en hom geslaan.Hy beweer ook die mans het hom gedwing om sy klere uit te trek en dat ’n paar skote selfs in sy rigting afgevuur is.Mbeha het in Februarie vanjaar ’n saak teen die minister van omgewing, bosbou en toerisme by die hoërhof in Windhoek aanhangig gemaak en eis sowat N$369 300 in skadevergoeding.VOERTUIG RAAKGESKIETMeha se saak bestaan uit drie eise. Die eerste is die beweerde aanranding waarvoor hy sowat N$305 000 in skadevergoeding eis. Hy beweer in sy verklaring hy moes emosionele trauma, skok, pyn en lyding verduur en het mediese onkoste gehad waarvoor hy moes betaal.Sy tweede klag is gegrond op die feit dat sy voertuig tydens die beweerde aanranding beskadig is.“Die natuurbewaarders het onwettig geweerskote teen die eiser se voertuig geskiet,” lui die hofstukke.Mbeha eis sowat N$21 500 vir die skade aan sy voertuig.Volgens Mbeha het die natuurbewaarders glo ná die beweerde aanranding sy voertuig langs die pad gelos sonder om dit te sluit en sommige van sy persoonlike besittings is as gevolg daarvan gesteel. Sy derde eis is N$42 800 vir dié gesteelde goedere.MINISTER STAAN KLAG TEENDie ministerie het reeds kennisgewing gegee dat hulle die saak sal teenstaan. Volgens hofstukke wat Woensdag ingedien is, moet hul pleitstukke voor 20 Mei by die hof ingedien word.Die saak word voor regter Nate Ndauendapo aangehoor.– kristien@republikein.com.na

Natuurbewaarders van aanranding beskuldig

Kommentaar

Republikein 2026-09-18

Meld asseblief aan om kommentaar te lewer

Natuurbewaarders van aanranding beskuldig

Kommentaar

Republikein 2026-09-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.