Nampharm sleep dokter hof toe
Nampharm eis N$590 000
Hoewel Nampharm beweer die partye het 'n mondelinge ooreenkoms gehad, ontken dr. Daniel Jordaan dat daar 'n ooreenkoms was en hy geen betalings op grond daarvan gemaak het nie.
Nampharm beweer dokter Daniel (Danie) Jordaan van Windhoek skuld hulle bykans N$600 000 vir mediese en verwante items wat hy by hulle gekoop het.
Volgens Nampharm se eisbesonderhede het hulle en Jordaan in April 2016 ’n mondelinge ooreenkoms aangegaan dat Nampharm van tyd tot tyd en op lopende rekening goedere aan Jordaan sal verkoop en aflewer.
Volgens die beweerde ooreenkoms sou Nampharm hul normale tariewe vra en daarna fakture aan Jordaan stuur wat hy glo binne 30 dae moes betaal. Nampharm het glo ook ingestem om maandelikse state van die rekening te lewer.
Nampharm beweer dat hulle vanaf April tot Junie 2016 goedere ten bedrae van sowat N$1.5 miljoen aan Jordaan verkoop het. Hiervan het hy glo net N$1 040 000 betaal.
“’n Betaling ten bedrae van N$593 847 is nog uitstaande,” lui die eisbesonderhede.
Nampharm versoek ’n hofbevel wat Jordaan beveel om die uitstaande bedrag aan hulle te vereffen.
JORDAAN ONTKEN AANTYGINGS
Jordaan ontken egter nie net die uitstaande bedrag nie, maar beweer daar was nooit so ’n ooreenkoms nie.
Hy voer aan dat geen goedere aan hom verkoop en afgelewer was nie en ontken dat ’n lopende rekening bestaan het.
Hy het glo nooit enige betalings ten opsigte van die beweerde ooreenkoms gemaak nie en beweer dat daar daarom geen uitstaande bedrag kan wees nie.
Nampharm het reeds op 15 Oktober 2018 die saak by die hoërhof in Windhoek aanhangig gemaak, maar die saak is verskeie kere uitgestel en verhoordatums is reeds meer as een keer herskeduleer.
Die saak is afgelope Dinsdag opnuut tot 28 Mei uitgestel.
– [email protected]
Volgens Nampharm se eisbesonderhede het hulle en Jordaan in April 2016 ’n mondelinge ooreenkoms aangegaan dat Nampharm van tyd tot tyd en op lopende rekening goedere aan Jordaan sal verkoop en aflewer.
Volgens die beweerde ooreenkoms sou Nampharm hul normale tariewe vra en daarna fakture aan Jordaan stuur wat hy glo binne 30 dae moes betaal. Nampharm het glo ook ingestem om maandelikse state van die rekening te lewer.
Nampharm beweer dat hulle vanaf April tot Junie 2016 goedere ten bedrae van sowat N$1.5 miljoen aan Jordaan verkoop het. Hiervan het hy glo net N$1 040 000 betaal.
“’n Betaling ten bedrae van N$593 847 is nog uitstaande,” lui die eisbesonderhede.
Nampharm versoek ’n hofbevel wat Jordaan beveel om die uitstaande bedrag aan hulle te vereffen.
JORDAAN ONTKEN AANTYGINGS
Jordaan ontken egter nie net die uitstaande bedrag nie, maar beweer daar was nooit so ’n ooreenkoms nie.
Hy voer aan dat geen goedere aan hom verkoop en afgelewer was nie en ontken dat ’n lopende rekening bestaan het.
Hy het glo nooit enige betalings ten opsigte van die beweerde ooreenkoms gemaak nie en beweer dat daar daarom geen uitstaande bedrag kan wees nie.
Nampharm het reeds op 15 Oktober 2018 die saak by die hoërhof in Windhoek aanhangig gemaak, maar die saak is verskeie kere uitgestel en verhoordatums is reeds meer as een keer herskeduleer.
Die saak is afgelope Dinsdag opnuut tot 28 Mei uitgestel.
– [email protected]
Kommentaar
Republikein
Geen kommentaar is op hierdie artikel gelaat nie