Namdeb sleep LPM hof toe
Saak uitgestel tot Woensdag
In 'n dringende hofaansoek beweer Namdeb dat die LPM lasterlike uitlatings teen hom gemaak het wat sy reputasie moontlik skade kan berokken.
Die Namdeb Diamond Corporation het die hof genader in ’n poging om die Landless People’s Movement (LPM) te dwing om beweerde lasterlike plasings van dié party se sosialemediaplatforms te verwyder.
Namdeb het ’n dringende aansoek in die hoërhof in Windhoek teen die LPM en sommige van sy lede aanhangig gemaak. Partye het Donderdag in die hof verskyn om die aansoek aan te hoor.
Namdeb soek ’n interdik wat lede van die LPM, asook sy ondersteuners, verbied om voort te gaan met die verspreiding, publisering of plasing van beweerde vals en lasterlike uitlatings teen Namdeb, sy direkteure of werknemers wat stel dat hulle misdaad, korrupsie, omkopery, nepotisme of rassime pleeg.
PETISIES
Namdeb en die LPM is sedert Oktober verlede jaar in ’n twis gewikkel.
Dit volg nadat Namdeb een van die LPM se lede, ’n sekere Gaume Stephanus, afgedank het op grond van dissiplinêre klagtes wat verband hou met beweerde ongegronde uitlatings wat die maatskappy glo in oneer gebring het.
Die LPM het daarna ’n petisie by Namdeb se tak op Oranjemund oorhandig en ’n betoging is ook gehou.
Volgens Namdeb se uitvoerende hoof, Riaan Burger, het die LPM “vals” en “lasterlike” stellings in die petisie gemaak.
Die petisie het Namdeb daarvan beskuldig dat dit ’n maatskappy van teistering, afknouery en strukturele geweld is. Dit het verder gestel dat Namdeb ’n “taktiek aangeneem het om personeellede stil te maak”.
Die petisie het ook gesê dat Stephanus op ’n daaglikse basis geteister en geïntimideer is en die maatskappy is ook van belastingontduiking beskuldig.
In Maart vanjaar het die LPM nog ’n petisie oorhandig wat eis dat Burger as uitvoerende hoof moet bedank. In die petisie verwys hulle glo na Burger as ’n “kartelbaas” en “diktator”.
Die betogings is glo regstreeks op die LPM se Facebookblad uitgesaai.
REPUTASIE
Burger, wat sedert 2017 as Namdeb se uitvoerende hoof dien, meen dat die plasings plaaslike en internasionale skade aan die maatskappy se reputasie sal berokken – ’n aspek wat baie belangrik is in die diamantbedryf.
“Die diamantbedryf is ’n hoogs sensitiewe bedryf en die kopers van diamante is veral bekommerd oor bestuurskwessies binne die bedryf.
“Waar ongegronde en vals bewerings gemaak word wat daarop dui dat die applikant [Namdeb] en sy senior bestuur skuldig is aan misdadigheid in watter vorm ook al, het dit nie net ’n impak op die applikant se reputasie plaaslik nie, maar ook internasionaal,” lui Burger se verklaring.
LPM SE REAKSIE
In die LPM se betooghoofde voer hy aan dat die aansoek van die hand gewys moet word en beweer dat Namdeb nie ’n sterk saak gemaak het vir ’n interdik om toegestaan te word nie.
Hulle voer ook aan dat hulle nie beheer het oor hul lede of ondersteuners nie
“Ons het meer as 30 000 ondersteuners gehad wat vir ons in die 2019-verkiesing gestem het en daardie ondersteuners is nie eens bewus van hierdie aansoek nie en gaan in elk geval nie eens bewus wees van die bevel nie,” lui die hofstukke.
Die saak is gemaak teen die LPM asook Bernardus Swartbooi, Henny Seibeb, Sade Gawanas, Melody Swartbooi en Easter Isaak.
Die saak is Donderdag tot eerskomende Woensdag uitgestel.
– [email protected]
Namdeb het ’n dringende aansoek in die hoërhof in Windhoek teen die LPM en sommige van sy lede aanhangig gemaak. Partye het Donderdag in die hof verskyn om die aansoek aan te hoor.
Namdeb soek ’n interdik wat lede van die LPM, asook sy ondersteuners, verbied om voort te gaan met die verspreiding, publisering of plasing van beweerde vals en lasterlike uitlatings teen Namdeb, sy direkteure of werknemers wat stel dat hulle misdaad, korrupsie, omkopery, nepotisme of rassime pleeg.
PETISIES
Namdeb en die LPM is sedert Oktober verlede jaar in ’n twis gewikkel.
Dit volg nadat Namdeb een van die LPM se lede, ’n sekere Gaume Stephanus, afgedank het op grond van dissiplinêre klagtes wat verband hou met beweerde ongegronde uitlatings wat die maatskappy glo in oneer gebring het.
Die LPM het daarna ’n petisie by Namdeb se tak op Oranjemund oorhandig en ’n betoging is ook gehou.
Volgens Namdeb se uitvoerende hoof, Riaan Burger, het die LPM “vals” en “lasterlike” stellings in die petisie gemaak.
Die petisie het Namdeb daarvan beskuldig dat dit ’n maatskappy van teistering, afknouery en strukturele geweld is. Dit het verder gestel dat Namdeb ’n “taktiek aangeneem het om personeellede stil te maak”.
Die petisie het ook gesê dat Stephanus op ’n daaglikse basis geteister en geïntimideer is en die maatskappy is ook van belastingontduiking beskuldig.
In Maart vanjaar het die LPM nog ’n petisie oorhandig wat eis dat Burger as uitvoerende hoof moet bedank. In die petisie verwys hulle glo na Burger as ’n “kartelbaas” en “diktator”.
Die betogings is glo regstreeks op die LPM se Facebookblad uitgesaai.
REPUTASIE
Burger, wat sedert 2017 as Namdeb se uitvoerende hoof dien, meen dat die plasings plaaslike en internasionale skade aan die maatskappy se reputasie sal berokken – ’n aspek wat baie belangrik is in die diamantbedryf.
“Die diamantbedryf is ’n hoogs sensitiewe bedryf en die kopers van diamante is veral bekommerd oor bestuurskwessies binne die bedryf.
“Waar ongegronde en vals bewerings gemaak word wat daarop dui dat die applikant [Namdeb] en sy senior bestuur skuldig is aan misdadigheid in watter vorm ook al, het dit nie net ’n impak op die applikant se reputasie plaaslik nie, maar ook internasionaal,” lui Burger se verklaring.
LPM SE REAKSIE
In die LPM se betooghoofde voer hy aan dat die aansoek van die hand gewys moet word en beweer dat Namdeb nie ’n sterk saak gemaak het vir ’n interdik om toegestaan te word nie.
Hulle voer ook aan dat hulle nie beheer het oor hul lede of ondersteuners nie
“Ons het meer as 30 000 ondersteuners gehad wat vir ons in die 2019-verkiesing gestem het en daardie ondersteuners is nie eens bewus van hierdie aansoek nie en gaan in elk geval nie eens bewus wees van die bevel nie,” lui die hofstukke.
Die saak is gemaak teen die LPM asook Bernardus Swartbooi, Henny Seibeb, Sade Gawanas, Melody Swartbooi en Easter Isaak.
Die saak is Donderdag tot eerskomende Woensdag uitgestel.
– [email protected]
Kommentaar
Republikein
Geen kommentaar is op hierdie artikel gelaat nie