N$1,2 miljoen-boedelsaak nader einde

In die saak waarin ’n jong vrou reeds ses jaar veg vir die N$1,2 miljoen-boedel van haar oorlede ma, waarvan sy die erfgenaam is, sal die hoërhof in Windhoek op 3 Junie uitspraak lewer.Die uitspraak sou Dinsdag gelewer word, maar is uitgestel omrede die uitspraak nog nie gereed was nie.Me. Maruzaan Moller dagvaar die ministerie van justisie, die meester van die hoërhof en die man wat glo haar oorlede ma, me. Dorothea Yolandi Beukes, se boedel deur persoonlike verryking uitgeput het.AGTERGRONDMoller was ten tyde van haar ma se afsterwe nog minderjarig en haar prokureurs het die meester van die hoërhof gevra dat die aanstelling van ’n eksekuteur van die boedel uitgestel moet word totdat Moller op 9 November 2015 mondig sou word.Moller beweer nege dae nadat sy 21 geword en gekwalifiseer het om die eksekuteur van die boedel te word, is sy ingelig dat die eksekuteurskap reeds aan mnr. Mervin Kozonguizi oorgedra is.Kozonguizi was glo sonder die oorledene se familie of erfgenaam se instruksies, raad of goedkeuring as eksekuteur aangestel.Die meester van die hoërhof het dit reggestel en Moller as eksekuteur aangestel, maar Kozonguizi het toe glo reeds die N$1,2 miljoen vir persoonlike verryking aangewend. Moller het tot nou nog nie die geld ontvang nie.Sy eis dat die N$1,2 miljoen aan haar verskuldig is en stel óf die meester van die hoërhof en ministerie van justisie (eerste en tweede verweerders), óf die derde en vierde verweerders wat Kozonguizi en sy besigheid is, óf al vier die totale moet die koste dek.Die meester van die hoërhof en die ministerie van justisie beweer die saak het verjaar aangesien drie jaar reeds verloop het.“Dagvaarding is in Junie 2020 uitgereik en op 10 Junie 2020 op die verweerders gedien, wat meer as drie jaar is ná die datum waarop die saak ontstaan het,” lui hul hofstukke.Hulle beweer verder dat die aanstelling van Kozonguizi in ooreenstemming met die wet gedoen is.“Die meester van die hoërhof word deur geen wet verplig om elke banktransaksie te monitor wat deur die eksekuteur aangegaan is nie,” lui die hofstukke.Regter Kobus Miller sal op 3 Junie uitspraak lewer.– kristien@republikein.com.na

N$1,2 miljoen-boedelsaak nader einde

Kommentaar

Republikein 2026-03-20

Meld asseblief aan om kommentaar te lewer

N$1,2 miljoen-boedelsaak nader einde

Kommentaar

Republikein 2026-03-20

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.