Munisipaliteit sleep Nam Dairies hof toe

Windhoek se stadraad dagvaar Namibia Dairies vir N$24,5 miljoen se skadevergoeding vir die storting van swaar brandstofolie wat in Februarie 2019 in Windhoek se rioolstelsel beland het.Dít volg nadat ‘n veiligheidsklep op 3 Februarie vroegoggend by Namibia Dairies se aanleg in Avis gebreek het, en die pyplyne gebars het wat brandstofolie na die ketelstelsel vervoer. Sowat 24 000 liter brandstofolie het deur die dreineringsgate in die ketelhuis gestort.Aanvanklik het Republikein berig dat ongeveer 6 000 liter van die olie toe buite die aanleg gevloei het. Die olie het glo ook in die rivier oorkant die fabriek en uiteindlik die Goreangabdam beland en daardeur volgens die aansoekers die omgewing besoedel.Die Windhoek-munisipaliteit se se Gammams-watersuiweringsaanleg was as gevolg van die oliestorting vir 19 dae buite werking. “Geen waterbehandeling kon gedurende hierdie tydperk uitgevoer word nie en geen behandelde riool was beskikbaar vir herwinning nie,” lui die hofstukke.KOSTESOm die oliestorting op te ruim, het die munisipaliteit glo sowat N$7 miljoen gekos. Die skade wat veroorsaak is, is herstel.“Daarbenewens het die eiser skade van sowat N$17 miljoen gely ten opsigte van water wat vanaf 3 tot 22 Februarie vir produksie verloor is teen afvalwaterbehandelingstarief,” lui die stad se eise soos uiteengesit in hofstukke.Die raad beweer Namibia Dairies se nalatigheid het gelei tot die oliestorting wat soveel skade tot gevolg gehad het.“Die verweerder het nie die nodige stappe geneem om te verhoed dat &#039;n oliestorting plaasvind nie en dit sluit in gereelde inspeksies en toetsing van die veiligheidsklep. Hul het ook nie daarin geslaag om die dreine in die fabrieksketelkamer van die rioollyn te isoleer nadat die storting plaasgevind het nie,” voer die eisers aan.Namibia Dairies het reeds aangedui dat hul beplan om die saak teen te staan en altwee partye het Donderdag in die hoërhof in Windhoek verskyn vir ‘n saakbeplanningsvergadering.In Republikein se aanvanklike beriggewing kort na die storting is die koste van opruim- en herstelwerk op N$32 miljoen geskat.-kristien@republikein.com.na

Munisipaliteit sleep Nam Dairies hof toe

Kommentaar

Republikein 2025-04-30

Meld asseblief aan om kommentaar te lewer

Munisipaliteit sleep Nam Dairies hof toe

Kommentaar

Republikein 2025-04-30

Meld asseblief aan om kommentaar te lewer

MELD AAN

Advertensie