Mulunga: Ons almal maak foute

Dit was ‘n onbedoelde versuim van ‘n interne beleid en nie ‘n kriminele oortreding nie. So het Namcor se voormalige besturende direkteur Immanuel Mulunga gister getuig oor wat gelei het tot die betaling van N$53 miljoen vir bates van Enercon. Mulunga het tydens sy borgtogverhoor aan landdros Linus Samunzala erken dit was dié besluit wat hom uiteindelik se werk sou kos. Hy het gereageer op die staat se bewering dat hy Namcor se magtigingskedule oortree het toe die betaling sonder die uitdruklike goedkeuring van die direksie gemaak is. Mulunga het erken da,t hoewel Namcor se beleid die besturende direkteur net toelaat om besteding van tot N$25 miljoen goed te keur, die transaksie van N$53 miljoen uit twee reeds goedgekeurde begrotingsposte getrek is. Die een van N$25 miljoen en 'n ander van N$40 miljoen wat bedoel was vir die aankoop van bates en die en sake-ontwikkeling.Volgens Mulunga het die bestuur geglo hulle word toegelaat om fondse oor begrotingspos hertoewys om die transaksie uit te voer. “So natuurlik word ons toegelaat om geld van een begrotingspos na die ander te verskuif. Dit is wat ons gedoen het, want 40 plus 25 is 65 miljoen, genoeg om die aankoop van N$53 miljoen te doen,” het hy getuig.Mulunga het egter erken dat hulle later besef het dat die hertoewysing die toegelate 20%-oordraglimiet tussen individuele begrotingsposte oorskry het en soos uiteengesit in afdeling 2.4 van Namcor se magtigingskedule. “Daar was ’n onbedoelde oorsig van my kollegas, en ek neem verantwoordelikheid, waar ons nie opgetel het dat die hertoewysing die limiet wat intern toegelaat word, oorskry het nie. Maar dit is nie krimineel nie. Dit is ’n oortreding van die beleid waarvoor ek gedissiplineer is, en dit is een van die redes waarom ek my werk verloor het,” het hy aan die hof gesê.“Niemand is perfek nie. Ons almal maak foute.”OoreenkomsMulunga het verder verduidelik dat die bateverkryging uit 'n bestaande brandstofvoorsieningsooreenkoms gekom het, en nie 'n nuwe verkryging wat die goedkeuring van die volle direksie vereis nie.Hy het volgehou dat die Namcor-raad die algehele begroting goedgekeur het, maar nie individuele transaksies nie, wat in wese 'n taak is wat tipies aan die bestuur oorgelaat word.Die staat wat deur Basson Lilungwe verteenwoordig word, het egter aangevoer dat Mulunga interne beheermaatreëls omseil het. Dit staan borgtog teen op grond van die erns van die aanklagte en moontlike inmenging met ondersoeke.DokumentVroeër in die verrigtinge het landdros Samunzala 'n beswaar deur Mulunga se prokureur, Francois Bangamwambo, van die hand gewys nadat die staat na 'n dokument verwys het wat nie voorheen aan alle regspanne bekend gemaak is nie.Die dokument het na bewering dieselfde klousule oor die magtigingskedule uitgelig, wat bepaal dat goedkeuring van die direksie vereis word vir enige transaksie van meer as N$25 miljoen.Samunzala het beslis dat volle openbaarmaking nie tydens die borgtogstadium vereis word nie, aangesien dit nie 'n verhoor is nie. Die kruisondervraging sal vandag voortduur. - republikein@republikein.com.na

Mulunga: Ons almal maak foute

Kommentaar

Republikein 2026-01-28

Meld asseblief aan om kommentaar te lewer

Mulunga: Ons almal maak foute

Kommentaar

Republikein 2026-01-28

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.