Mostert bring aansoek om vrylating

Die oudlanddros en eertydse Namibiese rugbyspeler, mnr. Walter (Rooies) Mostert, het ’n aansoek by die hof ingedien in ’n poging om &#039;n bevel te kry wat hom van vervolging sal vrystel en hom uit aanhouding sal vrylaat.Die saak teen Mostert in Windhoek se streekhof is gevolglik tot 30 Januarie uitgestel hangende die uitkoms van dié siviele saak in die Windhoekse hoërhof, wat tot 21 Oktober uitgestel is. Die oudlanddros beweer sy inhegtenisneming en voortgesette aanhouding is ongrondwetlik en eis sy vrylating.ONGERYMDHEDE Volgens Mostert was die lasbrief vir sy eerste inhegtenisneming in Mei 2021 nie deur &#039;n landdros onderteken soos die wet vereis nie. Op grond hiervan voer hy aan enige optrede deur die owerhede daarna, was onwettig en ongegrond.Mostert voer in sy verklaring aan dat daar van die begin af verskeie ongerymdhede in sy saak voorgekom het. Luidens sy verklaring het die Teenkorrupsiekommissie van Namibië (ACC) glo nie sy saak behoorlik ondersoek nie.“Ek wil hê jou [mnr. Basilius Dyakugha] kantoor moet die beweerde korrupsie en misbruik van magte deur amptenare van die ACC ondersoek,” het Mostert in Maart vanjaar in ’n brief aan die ombudsman gesê.“My fundamentele regte en vryheid is vernietig en skendings van fundamentele regte en vryheid behoort nie geduld te word nie.”In ’n verklaring wat ook aan die ombudsman gestuur is, beskuldig Mostert die ACC se hoof van ondersoeke, me. Justine Kanyangela, daarvan dat sy meineed gepleeg het.Hy voer ook aan die ACC het hom onder valse voorwendsels ’n verklaring laat aflê toe hulle hom na bewering laat glo het dat hy ’n getuie is en nie ’n verdagte nie.AGTERGRONDMostert is in 2015 in hegtenis geneem op klagte ingevolge die teenkorrupsiewet en die wet op immigrasiebeheer, geldwassery, afpersing, bedrog en pogings tot regsverydeling.Die voorvalle het tussen 2012 en 2013 plaasgevind toe Mostert en sy medebeskuldigdes, mee. Joyline Kambatuku, Eveline Meroro en mnr. Joram Salomo, ‘n Suid-Afrikaanse gesin gehelp het om Namibiese identiteitskaarte onwettig te bekom.Hy het op 6 November vanuit die Auas Hill-hospitaal in Windhoek ontsnap waar hy destyds onder bewaking mediese behandeling ontvang het.Mostert is weer in Maart vanjaar naby Tses in hegtenis geneem toe hy probeer het om Namibië weer vanuit Suid-Afrika binne te sluip. Hierna is die saak van die rol geskrap nadat die staat erken het die lasbrief vir Mostert se inhegtenisneming is nie deur &#039;n landdros onderteken nie.Voordat Mostert egter vrygelaat kon word, is ’n tweede lasbrief vir sy inhegtenisneming uitgereik. Hy is tans in aanhouding by die Windhoek Sentrale Gevangenis. –kristien@republikein.com.na

Mostert bring aansoek om vrylating

Kommentaar

Republikein 2026-02-03

Meld asseblief aan om kommentaar te lewer

Mostert bring aansoek om vrylating

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.