Moordverhoor begin ná gru-mesaanval op vrou

’n Negentienjarige vrou is in 2022 op Otjiwarongo sowat 51 keer met ’n mes gesteek. Nghimushima Haufiku se liggaam is later op haar rug onder ’n bed in haar huis gevind. Haar destydse kêrel, Lolo Kambwela (32), het ’n paar uur ná haar dood homself aan owerhede oorgegee.Kambwela het egter Dinsdag in die hoërhof in Windhoek onskuldig gepleit op aanklagte van moord en ’n bykomende klag van dwarsboming van die gereg.Daarna het die verhoor afgeskop met die staat wat sy eerste getuies geroep het. Dit sluit in die polisiebeampte wat die liggaam ontdek het en die paramedikus wat Haufiku op die toneel dood verklaar het.Die staat voer aan nadat Kambwela haar vermoor het – waarskynlik tydens ’n bakleiery – het hy haar liggaam in die huis toegesluit en van die moordwapen ontslae geraak.GETUIENISMartin Hasheela het Woensdag die getuienisbank ingeneem. Dié inwoner van Otavi het in die tyd wat Haufiku vermoor is in die huis saam met haar gewoon terwyl hy ’n kurses op die dorp bygewoon het.Hy het glo beide vir Haufiku en Kambwela by die huis gesien ure voor sy op 13 Februarie 2022 vermoor is. Hy het getuig Kambwela het op daardie dag vir hom gesê hy en Haufiku het die afgelope week baie baklei.Hy het die paartjie glo alleen by die huis gelos om iemand te ontmoet. Nadat die persoon egter nie opgedaag het nie, het hy terug huis toe gegaan. Die huis was egter gesluit en hy kon nie vir Kambwela of Haufiku in die hande kry nie.Die verhoor wat deur regter Claudia Claasen aangehoor word, sal na verwagting vandag(??) voortduur.– kristien@nmh-hub.com.na

Moordverhoor begin ná gru-mesaanval op vrou

Kommentaar

Republikein 2025-12-19

Meld asseblief aan om kommentaar te lewer

Moordverhoor begin ná gru-mesaanval op vrou

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.