Moordenaar stel eis van N$300 000 in

’n Veroordeelde moordenaar wat in 2002 ’n man noodlottig gewond het, eis N$300 000 van die ministerie van binnelandse sake, immigrasie, veiligheid en sekuriteit.Alexander Daniel van Schalkwyk (46) is in 2016 skuldig bevind en dien tans ’n vonnis van 16 jaar uit by die Hardap korrektiewe geriewe op Mariental vir die moord op Quinton Isaack.Hy het hom op Oujaarsaand 2002 by ’n kroeg in die omgewing van Khomasdal in Windhoek met ’n mes doodgesteek.Van Schalkwyk het vir die eerste keer in Januarie 2005 in die Windhoekse streekhof verskyn en ná talle vertragings het sy verhoor eers in Augustus 2013 begin en het gesloer tot en met sy vonnisoplegging in Desember 2016.Hy beweer dat lede van die Namibiese korrektiewe dienste (NSC) onregmatiglik sy persoonlike besittings afgevat en vernietig het.Die saak is reeds in Augustus 2021 by die hoërhof in Windhoek aanhangig gemaak en is intussen vir bemiddeling verwys wat onsuksesvol was. Partye het Maandag voor regter Collins Parker verskyn.In die eisbesonderhede wat Van Schalkwyk se regsverteenwoordiger by die hof ingedien het, beweer hy dat lede van die NSC vyf van sy persoonlike besittings afgevat en vernietig het.Die voorval het glo voor ander NSC-lede plaasgevind. Hy sê die beweerde vernederende behandeling het ook sy menswaardigheid aangetas.Hy eis N$500 vir elke item wat vernietig is vir ’n tydperk van 120 dae. Dit is N$60 000 per item en ’n totale bedrag van N$300 000.Van Schalkwyk se eis is teen die ministerie van binnelandse sake, immigrasie, veiligheid en sekuriteit, die hoof van NCS, Raphael Hamunyela en die man in beheer van die Hardap korrektiewe geriewe, Sam Franz, asook die superintendent en senior hoof van die Hardap korrektiewe geriewe.NSC ONTKEN SKULDVolgens die ministerie en lede van die NSC se pleitstukke het hulle rede gehad om die gebied te deursoek waar Van Schalkwyk aangehou is. Hulle het vermoed dat een van die ander gevangenes ’n selfoon gehad het.’n Selfoon is binne ’n fotoraam gevind en die NSC-lede het opdrag gekry om alle handwerk-items en kuns te verwyder en die sel noukeurig te deursoek. Dit het die kunswerk van Van Schalkwyk ingesluit.“Hy het ook nie toestemming gehad om die kuns en handwerk-items in sy sel te hê nie,” lui die pleitstukke.Dit is glo prosedure dat gevangenes eers goedkeuring van die beampte in beheer moet kry voordat hulle sulke items in hul sel kan aanhou.“Die rede hiervoor is omdat die items gedurig gebruik word om onwettige en verbode items in hul selle in te smokkel.” – kristien@republikein.com.na

Moordenaar stel eis van N$300 000 in

Kommentaar

Republikein 2026-05-06

Meld asseblief aan om kommentaar te lewer

Moordenaar stel eis van N$300 000 in

Kommentaar

Republikein 2026-05-06

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.