Moordenaar soek parool ná 28 jaar

’n Man wat tot lewenslange tronkstraf gevonnis is en reeds 28 jaar in aanhouding deurgebring het, het die hof genader om op parool vrygelaat te word.Volgens Namibiese wetgewing moet ’n persoon wat ’n lewenslange vonnis uitdien ten minste 25 jaar in aanhouding deurbring voor hulle in aanmerking vir parool kan kom.Immanuel Shikunga is in aanhouding by die Windhoek Sentrale Gevangenis vir die moord en roof van Ian Scheepers sowat 29 jaar gelede. Hy het verlede jaar die hoërhof in Windhoek genader met ’n versoek dat hy vrygelaat moet word.Hy meen hy moet vrygelaat word aangesien hy al die nodige programme vir risiko-ingrypings voltooi het.“Ek is diep ontsteld oor die erge vooroordeel wat veroorsaak is deur die langdurige vertraging in my vrylating op parool en my voortgesette aanhouding.”PAROOLIngevolge die Wet op Gevangenisse no. 17 van 1998 word die geskiktheid vir parool van ’n gevangene wat lewenslange tronkstraf opgelê is deur die paroolraad bepaal. Dié raad neem verskeie faktore in ag, soos die gevangene se gedrag, vordering van die gevangene se rehabilitasie en die aard van die misdaad voor ’n besluit geneem word.Shikunga meen ten spyte van die feit dat hy glo aan al die vereistes voldoen het, het die owerhede geen stappe gedoen om hom vry te laat nie. In sy eisbesonderhede beklemtoon Shikunga dat hy in &#039;n posisie geplaas moet word wat hom die geleentheid bied om sy lewe tot voordeel van sy gesin te herbou en positief tot die samelewing by te dra.Shikunga se saak is gister in die hof aangehoor om vas te stel of die respondente – wat onder andere die minister van veiligheid en sekuriteit, Albert Kawana, en die kommissaris-generaal van die Namibiese korrektiewe diens, Raphael Hamunyela, insluit – sy aansoek sal teenstaan. Nie een van die respondente het al hulle beantwoordende verklarings in reaksie op die eise by die hof ingedien nie.MESAANVALShikunga wat 23 jaar oud was ten tyde van die moord en was in diens van Scheepers. Die nadoodse ondersoek het getoon dat Scheepers 23 keer met ’n mes gesteek is. Ná die moord het Shikunga en sy medebeskuldigde, Asser Singanda, verskeie items wat aan Scheepers behoort het, in die oorledene se voertuig gelaai. Dié bakkie is later verlate buite Omaruru gevind met bloedvlekke binne-in.Shikunga het in hofstukke beweer dat hy die oorledene se huis besoek het om geld terug te kry wat glo aan hom verskuldig was. Hy beweer Scheepers het gewelddadig opgetree en hom aangeval wat daartoe gelei het dat hy Scheepers uit selfverdediging gesteek het. Terwyl Shikunga nie die diefstal van die oorledene se goedere betwis nie, voer hy aan dat dit gedoen is as vergoeding vir die geld wat glo aan hom verskuldig was.– republikein@republikein.com.na

Moordenaar soek parool ná 28 jaar

Kommentaar

Republikein 2025-11-03

Meld asseblief aan om kommentaar te lewer

Moordenaar soek parool ná 28 jaar

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.