Ministerie betaal N$18 miljoen in skikking

’n Konstruksiemaatskappy wat die ministerie van werke en vervoer vir sowat N$75,4 miljoen gedagvaar het vir onbetaalde gelde en retensiegeld vir ’n polisiekantoor wat hulle in die Omusatistreek gebou het, het vir sowat N$18,8 miljoen geskik.Amupolo Building Construction CC het op 5 Junie 2020 drie eise teen die ministerie by die hoërhof in Windhoek aanhangig gemaak en regter Nate Ndauendapo het Woensdag die hofbevel van die skikkingsooreenkoms uitgereik.Dié eise het bestaan uit onbetaalde gelde van sowat N$6,3 miljoen vir die maatskappy se werk aan die polisiekantoor, uitstaande retensiegeld van sowat N$687 000, asook sowat N$68,4 miljoen vir bykomende werk wat die maatskappy glo gedoen het op instruksie van die ministerie. Die waarde van dié werk is nooit vasgestel nie en die ministerie het glo nooit ’n sertifikaat van voltooiing uitgereik nie. Die maatskappy het daarom na bewering nooit sy geld vir die bykomende werk ontvang nie.AGTERGRONDAmupolo Building Construction CC en die ministerie het volgens hofstukke op 29 November 2013 &#039;n skriftelike boukontrak aangegaan vir die bou van &#039;n splinternuwe streekhoofkwartier vir die polisie in die Omusatistreek.Volgens die kontrak sou die ministerie sowat N$54,2 miljoen vir die konstruksie betaal, maar enige veranderinge of bykomende werk kon bygesit word. Die waarde daarvan sou bepaal en by die totale bedrag bygevoeg word.In Junie 2017 het die partye oorgekom die ministerie kan die kantore gebruik ten spyte daarvan dat konstruksie nog nie heeltemal voltooi was nie.“Die onvoltooide deel van die werk het 10 tot 15 % beloop,” lui die maatskappy se hofstukke.“Die verweerder het versuim om &#039;n sertifikaat van voltooiing aan die eiser uit te reik ten spyte daarvan dat die werk afgehandel was en die gebou gedurende 2019 ingewy is.” – kristien@republikein.com.na

Ministerie betaal N$18 miljoen in skikking

Kommentaar

Republikein 2025-05-15

Meld asseblief aan om kommentaar te lewer

Ministerie betaal N$18 miljoen in skikking

Kommentaar

Republikein 2025-05-15

Meld asseblief aan om kommentaar te lewer

MELD AAN

Advertensie