Migrantsmokkelaar pleit by hof

“Ek vra die hof om my te vergewe en vir my ’n tweede kans te gee. Ek is regtig jammer. Ek is regtig jammer.”Só het Abigail Bashala (52), wat skuldig bevind is op drie klagte van smokkelary van migrante, gister die hof gesmeek.Die partye het gister finale betoë voor vonnisoplegging gelewer.Bashala het die getuiebank in die hoërhof in Windhoek ingeneem om vir ’n versagting van vonnis te getuig terwyl die staat vir ’n strawwer vonnis vra.Bashala is ’n Kongolese burger wat as gevolg van die oorlog uit haar tuisland gevlug het. Sy het vlugtelingstatus in Namibië verkry.“Jy het die einste nasie wat jou beskerming gebied het, geminag,” het die staatsaanklaer tydens kruisondervraging gesê.“Jy moes simpatie met die slagoffers gehad het en verstaan het waardeur hulle gaan, maar jy het nie. Jy het hulle desperaatheid gesien en jy het dit misbruik om hul geld te steel.”Sy het aanvanklik tereg gestaan op 15 klagte van smokkelary van migrante nadat sy Kongolese burgers via Zambië die land binne gesmokkel het, maar sy is op 26 Julie slegs op drie van dié klagte skuldig bevind. Dit omdat die staat kon bewys dat sy in die drie gevalle betaling ontvang het.VERSAGTINGBashala het oor haar verskeie gesondheidskwale getuig. Sy is ’n diabeet en sukkel ook met hartprobleme, hoë bloeddruk, nierversaking en MIV.Hoewel sy werkloos is, het sy glo elke maand sowat US$1 000 ontvang vir ’n huis in die Kongo wat sy uitverhuur het.Sy sorg vir haar twee kleinkinders van onderskeidelik drie en 11 jaar oud, en sy betaal haar een seun se studiekoste, verblyf en sakgeld.Bashala het sewe kinders gehad, maar volgens haar getuienis het vyf van haar kinders, saam met haar ma, in hul huis in die Kongo doodgebrand.Haar oorblywende twee seuns het saam met haar na Namibië gekom en woon in Windhoek.Die verrigtinge moes onderbreek word om vir Bashala geleentheid te gee om te kalmeer voordat hulle kon voortgaan.STAATDie staat het aangedui dat hulle twee getuies sal roep, waarvan die eerste ’n werknemer by die ministerie van binnelandse sake, veiligheid en sekuriteit - verantwoordelik vir die bestuur van grensposte - was.Dié getuienis is gister afgehandel en die saak sal Donderdag hervat vir die staat om hulle tweede getuie te roep.Die datum vir vonnisoplegging sal dan bekend gemaak word.Die saak word deur regter Dinnah Usiku aangehoor.̶ kristien@republikein.com.na

Migrantsmokkelaar pleit by hof

Kommentaar

Republikein 2025-09-19

Meld asseblief aan om kommentaar te lewer

Migrantsmokkelaar pleit by hof

Kommentaar

Republikein 2025-09-19

Meld asseblief aan om kommentaar te lewer

MELD AAN

Advertensie