Meyer-egpaar stel hul kant

“’n Kind het skielik agter ’n skuinswal (windrow) opgespring terwyl ek gery het. Sy was reg voor die bakkie toe sy opspring. Ek het dadelik na links uitgeswaai en rem getrap. Ek het uitgespring en na die kind gegaan. Mense het nader gehardloop en geskree. Chaos het uitgebreek.”So het Johan Meyer in ’n onlangse verklaring gesê oor die voorval op 1 Mei 2022 wat tot die dood van ’n negejarige meisie op sy kleinhoewe op Mariental gelei het.Die verklaring is ingedien as deel van die siviele verrigtinge wat wyle Hendrina Mupolo se pa, Elias Mupolo, teen Meyer aanhangig gemaak het. Dit is die eerste keer dat die publiek sy weergawe van gebeure hoor.VERKLARINGVolgens Meyer het hy en sy vriend Kobus Prinsloo gery om te kyk of die wagte naby die boontjielande skofte geruil het, soos hulle elke dag om 07:00 veronderstel is om te doen. Prinsloo het saam met hom in sy Land Cruiser-bakkie na die landerye gery.Met hul aankoms kon Meyer glo sien hoe ’n groep mense sowat 500 meter weg, besig was om boontjies te oes. Hy het in hul rigting begin ry en glo vir hulle geskree om weg te gaan. Sommige van die mense het weggehardloop.“Ek wil uitwys ek het baie stadig gery. Ek was in eerste rat en het sowat 10 tot 15 km per uur gery,” stel Meyer in sy verklaring.Meyer sê ook in sy verklaring dat Hendrina voor die voertuig ingespring het.“Die mense het begin skree en ’n groep vroue het na die meisie gehardloop. Nie ek of Prinsloo het ons selfone by ons gehad nie. Ek het vir die mense op die toneel gesê om daar te bly en dat ek oor ’n rukkie sal terug wees. Ek het huis toe gery en my vrou vertel wat gebeur het. Ek het vir haar gesê ek dink ek het oor haar bene gery en dat die mense op die toneel baie aggressief is.”Meyer en sy vrou, Anita, het na die toneel gery. Die polisie het opgedaag en daarna ’n ambulans wat Hendrina na die hospitaal geneem het.Die polisie het volgens Meyer sy besonderhede geneem en die toneel verlaat en die Meyer-egpaar het terug huis toe gegaan. Hulle is later die dag in kennis gestel dat Hendrina aan haar beserings beswyk het.ANITA SE VERKLARINGAnita, ’n welbekende senior staatsaanklaer op Mariental, het ook ’n verklaring by die hof ingedien. Haar en haar man se verklarings stem grotendeels ooreen en sy staaf alles wat Meyer in sy verklaring sê.“Ná so 30 minute het ek die bakkie voor die huis hoor stop. My man [Johan] het in die kombuis ingehardloop. Hy was in ’n toestand van skok. Hy het vir my gesê daar was ’n ongeluk in die boontjielande. Ek het gevra of die kind beserings opgedoen het en hy het gesê hy het geen bloed of oop wonde gesien nie,” lui Anita se verklaring.STRAFREGTELIKE KLAGTEBuiten vir die siviele saak teen Meyer, staan hy ook tereg op klagte van moord en sal hy na verwagting weer op 12 Julie in die hof verskyn.In die siviele verrigtinge het hy aangedui dat hy nog verklarings van ooggetuies wil indien, maar hy mag as gevolg van die strafregtelike verrigtinge nie met staatsgetuies inmeng nie en kan daarom nie die verklarings kry nie. Hy het die hof om leiding gevra ten opsigte van dié situasie. – kristien@republikein.com.na

Meyer-egpaar stel hul kant

Kommentaar

Republikein 2025-05-01

Meld asseblief aan om kommentaar te lewer

Meyer-egpaar stel hul kant

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie