Metcalfe onttrek aan Fishrot-saak

Die ervare prokureur Richard Metcalfe het verlede week bekend gemaak dat hy nie meer twee van die Fishrot-beskuldigdes sal verteenwoordig nie.Metcalfe en sy kollega, Florian Beukes, het die voormalige minister van visserye en mariene hulpbronne, Bernhard Esau, en sy skoonseun, Tamson (Fitty) Hatuikulipi, in die Fishrot-saak verteenwoordig.Metcalfe sal glo vandag sy onttrekking aan die hoërhof in Windhoek deurgee wanneer Esau se aansoek om borgtog geskeduleer is om aangehoor te word.“Hulle sal nooit &#039;n regverdige verhoor of geregtigheid ontvang solank &#039;n Namibiese regter die saak aanhoor nie. Ek kan nie meer met ’n goeie gewete ’n hand daarin hê om die geregtigheid te bedrieg nie,” het Metcalfe glo Woensdag aan ’n plaaslike dagblad gesê.Die besluit kom glo ná hy ’n konferensie in Kaapstad bygewoon het oor godsdiensvryheid.“Wat hier aangebied is, het my uiteindelik laat besluit om te onttrek. Ons kan nie voortgaan om &#039;n inherente onreg te paai nie,” het Metcalfe gesê.Metcalfe verteenwoordig Esau en Hatuikulipi sedert hul inhegtenisname in 2020 en het ook hul borgtogaansoeke behartig.Die Fishrot-verhoor is geskeduleer om in Oktober vanjaar in die hoërhof te begin.Esau, Hatuikulipi en die agt ander Fishrot-beskuldigdes sal voor regter Kobus Miller verskyn. Die ander beskuldigdes sluit in Mike Nghipunya, Sacky Shanghala, James Hatuikulipi, Ricardo Gustavo, Pius Mwatelelo, Phillipus Mwapopi, Otneel Shuudifonya en Nigel van Wyk. – kristien@republikein.com.na

Metcalfe onttrek aan Fishrot-saak

Kommentaar

Republikein 2026-02-03

Meld asseblief aan om kommentaar te lewer

Metcalfe onttrek aan Fishrot-saak

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.