Menseregte-aktivis loop bloutjie in hof

Die menseregte-aktivis Dimbulukeni Nauyoma se grondwetlike uitdaging van die plakkersproklamasie, is Woensdag van die hand gewys.’n Volbank regters van die hoërhof het bevind dat Nauyoma versuim het om te bewys dat die bepalings van die proklamasie sy grondwetlike regte geskend het.“Die hof meen dat dit onregmatig of onbillik sou wees om die bevel toe te staan,” lui die uitspraak.Nauyoma het die hof versoek om die Plakkersproklamasie 21 van 1985 in sy geheel, met al 15 bepalings, ongrondwetlik te verklaar.“Dit is hoogs onwaarskynlik dat al die bepalings ongrondwetlik is op grond daarvan dat dit aanstoot gee aan al 70 van die basiese menseregte wat aan individue gewaarborg word deur hoofstuk 3 van die Namibiese Grondwet.”Nauyoma het beweer dat die proklamasie veral inbreuk maak op artikels 8, 10 en 16 van die Grondwet. Artikel 8 beskerm individue se reg tot waardigheid en Nauyoma het aangevoer dat om “na iemand as ’n plakker te verwys, skend jy hul reg op waardigheid”.Die regters het in hul uitspraak uitgewys dat artikel 8 een fundamentele basiese reg, asook vyf basiese menseregte waarborg.“Dit is nie genoeg dat die applikant [Nauyoma] die hof nader en bloot in algemene terme beweer dat sy reg geskend is nie. Die applikant dra die las om tot bevrediging van die hof vas te stel watter spesifieke mensereg geskend is,” lui die uitspraak.Nauyoma het verder aangevoer dat die proklamasie inbreuk maak op artikel 10 van die Grondwet deurdat alle persone, of hulle ryk of arm is of nie, in Namibië gelyk behandel moet word.Die hof het egter bevind dat hy versuim het om vas te stel watter bepaling van die proklamasie artikel 10 oortree het en op watter wyse. Artikel 16 van die Grondwet waarborg alle persone die reg om alle vorme van eiendom in enige deel van Namibië te bekom en te besit en Nauyoma het aangevoer dat die proklamasie dié reg skend.Die hof het wel beslis dat Nauyoma nie gespesifiseer het watter artikel of afdelings van die proklamasie inbreuk maak op artikel 16 of op watter wyse dit plaasvind nie. “Verder word dit verwerp op die gronde dat die klaer moet bewyse lewer dat sy mensereg geskend is.” Nauyoma het ook aangevoer dat afdeling 2 en 9 van die proklamasie ongrondwetlik is omdat sekere terme na bewering vaag is, maar die hof het beslis dat dit “duidelik, voldoende en bondig genoeg is om &#039;n persoon in staat te stel om sy sake of optrede met betrekking tot daardie bepalings te orden”.SAAK VAN ROL GESKRAPDie volbank regters sluit in waarnemende regter Collins Parker en regters Boas Usiku en George Coleman.Nauyoma se aansoek, wat teen die prokureur-generaal en die Namibiese regering gebring is, is van die hand gewys en gevolglik van die rol geskrap. Geen bevel is ten opsigte van regskoste gemaak nie.Die saak is gemaak nadat Nauyoma in 2019 in hegtenis geneem is toe hy beamptes probeer keer het om ’n enkelma van twee se huis in Okuryangava te sloop. Die aksie was op grond van die plakkersproklamasie uitgevoer.–kristien@republikein.com.na

Menseregte-aktivis loop bloutjie in hof

Kommentaar

Republikein 2025-12-22

Meld asseblief aan om kommentaar te lewer

Menseregte-aktivis loop bloutjie in hof

Kommentaar

Republikein 2025-12-22

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.