Media-ombudsman, NBC stamp nog koppe
Uitsaaier nader hof oor Recon-uitsending
Die verhoorkomitee oor mediaklagtes en die media-appèlkomitee het reeds bevind dat die betrokke uitsending eensydig was.
Die Namibiese Uitsaaikorporasie (NBC) het die hoërhof in Windhoek genader in ’n poging om klagte teen hom tersyde te stel.
Die klagte het betrekking op ’n Talk of the Nation-uitsending oor Reconnaissance Energy Africa (ReconAfrica) se olie- en gaseksplorasie in die Kavangostreke.
Die media-ombudsman, John Nakuta, het ná die betrokke uitsending wat op 29 Maart 2021 uitgesaai is, ’n klag ontvang dat die program betaalde inhoud van die ministerie van myne en energie bevat het, wat slegs individue van die staatsektor ingesluit het.
Die betrokke uitsending het glo versuim om ander standpunte oor ReconAfrica se bedrywighede in Namibië in te sluit.
Die verhoorkomitee oor mediaklagtes het ná ’n openbare verhoor en hersiening deur die media-appèlkomitee, bevind dat die program wel eensydig was.
NBC versoek nou ’n bevel van die hoërhof om dié twee beslissings, asook Nakuta se aanvanklike besluit om die klagte te ondersoek, te hersien en tersyde te stel.
NBC het erken die betrokke uitsending het slegs individue uit die staatsektor ingesluit, maar sê die publiek is die geleentheid gegun om vrae tydens die regstreekse uitsending te vra. Volgens die NBC was positiewe en negatiewe aspekte van die olie- en gaseksplorasieaktiwiteite bespreek en was die gesprek nie eensydig nie.
Die respondente het reeds aangedui dat hulle die saak gaan teenstaan en partye het Maandag voor regter Herman Oosthuizen verskyn. Die saak is tot 22 Mei uitgestel en die respondente moet ingevolge ’n hofbevel hul beantwoordende verklarings voor 19 April indien.
OMBUDSMAN ‘PARTYDIG’
NBC se besturende direkteur, Stanley Similo, sê in sy verklaring Nakuta was partydig toe hy beslis het die uitsaaier het die kode vir media-etiek en -gedrag oortree.
Volgens sy verklaring het Nakuta op die dag van die openbare verhoor aangekondig dat hy homself aan die verhoor moet onttrek op grond van sy betrokkenheid by die Economic Social Justice Trust wat sterk menings oor ReconAfrica se olieboorbedrywighede uitgespreek het.
Die NBC voer aan dat Nakuta reeds ’n besluit geneem het om die klagte te ondersoek ten spyte daarvan dat hy by die trust betrokke was.
“Geen twyfel bestaan dat die ombudsman se besluit onreëlmatig was nie. Hy het versuim om homself te onttrek aan al die besluitnemingsprosesse met betrekking tot die klagte. Hy het ondanks sy konflik van belange besluit daar is gronde vir ’n klag teen die NBC,” lui Similo se verklaring.
Hy sê verder die klag is ook nie binne 30 dae ná die uitsaaidatum aanhangig gemaak soos in die gedragskode gestipuleer is nie. Die program is op 29 Maart 2021 uitgesaai en die klag is op 6 Mei 2021 ingedien. Verder word aangevoer dat Nakuta geen poging aangewend het om bemiddeling tussen die partye te bewerkstellig soos deur die gedragskode voorgestel word nie.
‘FOUTE’
In Similo se verklaring beweer hy ook die verhoorkomitee het sy beslissing gebaseer op bewerings wat nie deur bewyse gestaaf is nie.
Daar is geen bewyse dat die uitsending ’n betaalde advertensie was wat as nuus voorgelê is nie, het hy uitgelig.
Verder beweer Similo dat die media-appèlkomitee ’n fout gemaak het deur die appèl van die hand te wys. Die media-appèlkomitee het in sy uitspraak gestel dat hulle die program gekyk het en tot die gevolgtrekking gekom het dat die program eensydig was. Die NBC sê hulle het geen versoek ontvang om die uitgesaaide materiaal aan die media-appèlkomitee te verskaf nie.
“Die media-appèlkomitee se besluit is deurspek met onreëlmatighede deurdat dit bewyse oorweeg het wat nie behoorlik voor dié komitee geplaas is nie. Dit maak die komitee se beslissing nietig.”
– [email protected]
Die klagte het betrekking op ’n Talk of the Nation-uitsending oor Reconnaissance Energy Africa (ReconAfrica) se olie- en gaseksplorasie in die Kavangostreke.
Die media-ombudsman, John Nakuta, het ná die betrokke uitsending wat op 29 Maart 2021 uitgesaai is, ’n klag ontvang dat die program betaalde inhoud van die ministerie van myne en energie bevat het, wat slegs individue van die staatsektor ingesluit het.
Die betrokke uitsending het glo versuim om ander standpunte oor ReconAfrica se bedrywighede in Namibië in te sluit.
Die verhoorkomitee oor mediaklagtes het ná ’n openbare verhoor en hersiening deur die media-appèlkomitee, bevind dat die program wel eensydig was.
NBC versoek nou ’n bevel van die hoërhof om dié twee beslissings, asook Nakuta se aanvanklike besluit om die klagte te ondersoek, te hersien en tersyde te stel.
NBC het erken die betrokke uitsending het slegs individue uit die staatsektor ingesluit, maar sê die publiek is die geleentheid gegun om vrae tydens die regstreekse uitsending te vra. Volgens die NBC was positiewe en negatiewe aspekte van die olie- en gaseksplorasieaktiwiteite bespreek en was die gesprek nie eensydig nie.
Die respondente het reeds aangedui dat hulle die saak gaan teenstaan en partye het Maandag voor regter Herman Oosthuizen verskyn. Die saak is tot 22 Mei uitgestel en die respondente moet ingevolge ’n hofbevel hul beantwoordende verklarings voor 19 April indien.
OMBUDSMAN ‘PARTYDIG’
NBC se besturende direkteur, Stanley Similo, sê in sy verklaring Nakuta was partydig toe hy beslis het die uitsaaier het die kode vir media-etiek en -gedrag oortree.
Volgens sy verklaring het Nakuta op die dag van die openbare verhoor aangekondig dat hy homself aan die verhoor moet onttrek op grond van sy betrokkenheid by die Economic Social Justice Trust wat sterk menings oor ReconAfrica se olieboorbedrywighede uitgespreek het.
Die NBC voer aan dat Nakuta reeds ’n besluit geneem het om die klagte te ondersoek ten spyte daarvan dat hy by die trust betrokke was.
“Geen twyfel bestaan dat die ombudsman se besluit onreëlmatig was nie. Hy het versuim om homself te onttrek aan al die besluitnemingsprosesse met betrekking tot die klagte. Hy het ondanks sy konflik van belange besluit daar is gronde vir ’n klag teen die NBC,” lui Similo se verklaring.
Hy sê verder die klag is ook nie binne 30 dae ná die uitsaaidatum aanhangig gemaak soos in die gedragskode gestipuleer is nie. Die program is op 29 Maart 2021 uitgesaai en die klag is op 6 Mei 2021 ingedien. Verder word aangevoer dat Nakuta geen poging aangewend het om bemiddeling tussen die partye te bewerkstellig soos deur die gedragskode voorgestel word nie.
‘FOUTE’
In Similo se verklaring beweer hy ook die verhoorkomitee het sy beslissing gebaseer op bewerings wat nie deur bewyse gestaaf is nie.
Daar is geen bewyse dat die uitsending ’n betaalde advertensie was wat as nuus voorgelê is nie, het hy uitgelig.
Verder beweer Similo dat die media-appèlkomitee ’n fout gemaak het deur die appèl van die hand te wys. Die media-appèlkomitee het in sy uitspraak gestel dat hulle die program gekyk het en tot die gevolgtrekking gekom het dat die program eensydig was. Die NBC sê hulle het geen versoek ontvang om die uitgesaaide materiaal aan die media-appèlkomitee te verskaf nie.
“Die media-appèlkomitee se besluit is deurspek met onreëlmatighede deurdat dit bewyse oorweeg het wat nie behoorlik voor dié komitee geplaas is nie. Dit maak die komitee se beslissing nietig.”
– [email protected]
Kommentaar
Republikein
Geen kommentaar is op hierdie artikel gelaat nie